УИХ-ын гишүүн Ё.Баатарбилэгийг бусдаас их хэмжээний авлига авсан, албан тушаал, эрх мэдлийн байдлаа урвуулан ашиглаж, бусдад давуу байдал олгосон байж болзошгүй үндэслэлээр хууль хяналтын байгууллагаас шалгаж эхэлсэн байдаг. Тодруулбал, шалгалтын явцад 2017 онд Хөгжлийн банкнаас “НВЦ” компанийн захирал Ц.Баатарбилэг нь  21 сая ам.долларын зээл авахад УИХ-ын гишүүн Ё.Баатарбилэг оролцож, туслалцаа үзүүлсэн байж болзошгүй нөхцөл байдал тогтоогдож, түүнийг яллагдагчаар татаж, шалгаж эхэлсэн юм.

Тэгвэл Хөгжлийн банкнаас зээл авсан “НВЦ” компанийн “хэрэг”-т УИХ-ын гишүүн Ё.Баатарбилэг ганцаараа оролцоогүй бололтой. Хууль хяналтын байгууллагаас Ё.Баатарбилэгийг төрсөн эцэг болон төрсөн дүүг нь шалгаж байна.