Улаанбаатар хотод гурван тохиолдол шинээр бүртгэгдсэн талаар ЭМЯ-наас мэдээллээ. Тодруулбал, Буянт-Ухаа хороололд төрсөн өдрийн арга хэмжээнд оролцсон 46 хүнээс шинжилгээ авч нэг хүний давтан шинжилгээгээр халдвар илэрсэн байна. Мөн Төмөр замын өрхийн эрүүл мэндийн төвийн сувилагч, өмнөх батлагдсан тохиолдолтой хавьтал болсон нэг хүн тус тус байгаа аж. Дараа нь сэтгүүлчдийн сонирхсон асуултад хариулсан юм. 

-Сэлэнгэ аймагт тархсан коронавирусын халдвар вагоны хатуу болон зөөлөн эдийн хөдөлгүүрээр дамжижорж ирсэн гэж яриад байна. Үүнийг ойлгомжтой тайлбарлаж өгнө үү?

-Одоогоор хатуу, зөөлөн биетээр дамжсан гэсэн эмнэлэгийн байгууллагын дүгнэлт гараагүй. Энэ халдвар нь агаар дуслын замаар халдвар дамжсан гэж үзэж байгаа. Ойрын хавьтлын хүмүүсээс халдаж байгаа. 

-БНХАУ-ын иргэд “Энхсаран” сувилалд тусгаарлагдаж байсан гэдэг нь үнэн үү?

-Хятад улсаас ажиллах хүч болон бусад шугамаар орж ирсэн иргэдийг шинжилгээ аваад 21 хоног тусгаарласан. Давтан шинжилгээ хийгээд явсан. 

-Төмөр замын ажилчдын зохион байгуулсан тэмцээнд ОХУ-аас хүмүүс ирж оролцсон гэсэн мэдээлэл байна. Энэ хүмүүсийг шалгасан юм уу?

-Төмөр замчдын тэмцээний үеэр ОХУ-аас ганц, нэг иргэд ирсэн байсан. Тухайн үед шинжилгээ хийсэн. Тэндээс халдвар тарсан гэж хэлэхгүй.