Ардчилсан намын ерөнхий нарийн бичгийн дарга Ч.Өнөрбаяр цаг үеийн асуудлаар мэдээлэл хийлээ.

                Тэрбээр “Ардчилсан намд дарга байхгүй гэдгийг Монгол Улс даяараа мэдлээ. Албан ёсны шийдвэрүүд гарлаа. Тиймээс намын даргаа шинэ дүрэм, журмын дагуу тодруулна. Дарга сонгох журмаа шинэчлэхийн тулд АН-ын эвлэрэлд санаа тавьж байгаа, ҮБХ-ны гишүүд маань өнөөдөр цугласан гэж ойлгож байна. Одоо хэн нэгэн өөрийгөө намын дарга гэж дур зоргоороо хэлээд явах цаг үе биш. Энэ хурлаар АН-д тулгараад буй бүх асуудал шийдэгдэнэ байх.  Монгол Улс сөрөг хүчингүй болсон нь АН суларсантай холбоотой. Тиймээс бид үүрэг хариуцлагаа ухамсарлаж, асуудлаа шийдэж байна" гэлээ.