Х.НЯМБААТАР Хууль зүйн сайдад дэндүү “жижигдэж” байна

Б. Цогтбаяр:
Улс төр

2020-12-16, 5698

-Х.НЯМБААТАР САЙД НЭР ТӨРДӨӨ ХЭТ АНХААРЧ, ӨӨРИЙГ НЬ ШҮҮМЖИЛСЭН ХҮН БҮР РҮҮ ШҮЛСЭЭ ҮСЧҮҮЛЖ, ЦАХИМ ОРЧНООР НЭГ ХЭРҮҮЛ ХИЙЖ, ӨДРИЙГ БАРДАГ БОЛЛОО-

Монголын Хууль зүй, дотоод хэргийн яам “мэнгэт” Нямын гараас “поп” Нямын гарт очоод даруй дөрвөн сар орчим болж байна. Өнгөрсөн дөрвөн жил парламентад хууль ярьдаг, ярих дуртай хоёр хүн байсан нь тухайн үеийн Хууль зүй, дотоод хэргийн сайд асан Ц.Нямдорж, одоогийн сайд Х.Нямбаатар. Өөрөөр бол тэр хоёрыг “том” Ням, “жижиг” Ням ч гэдэг байлаа. Нэгт насны хувьд хөгшин, залуу учраас, хоёрт “том” буюу Ц.Нямдорж нь асуудлыг илүү томоор авч үздэг, жинтэй үг хэлдэг байсан бол “жижиг” буюу Х.Нямбаатар нь гол төлөв ахуйн, аахар шаахар зүйлээр хэрүүл хийх нь түгээмэл байснаас тэднийг ингэж хочилсон байх.

Сонирхуулахад, хоёр Ням хоорондоо тийм ч сайн биш төдийгүй “том” Ням нэг удаа “жижиг” Нямд хандаж “...Нэг асуудал гарахаар эсвэл гоморхохоороо өөрөө хийж чадаагүй, буруу хийчихсэн зүйлийнхээ эзнийг өөр тийшээ хайдгаа боль. Чиний тодрох гэсэн өвчин чинь амин чинь ч хүрч мэднэ шүү” гэж байлаа. Одоо харахад Ц.Нямдорж бас л ултай хэлж байжээ, гэж.

Хууль зүй, дотоод хэргийн сайд Х.Нямбаатарыг одоо бол “жижиг” Ням, “поп” Нямын алинаар ч дуудсан хочноосоо хол зөрөхөөргүй болж байна. Гэхдээ сүүлийн үед “поп” Ням хочиндоо арай илүү тохирч байх шиг. Хууль зүй, дотоод хэргийн яам бол Засгийн газрын ерөнхий чиг үүргийн яам. Тэр ч утгаараа сайд нь зангарагтай, буурь суурьтай, хувийн амбицаас илүү хууль иргэн бүрт тэгш үйлчлэх боломж бий болгоход анхаарах учиртай баймаар. Гэвч Х.Нямбаатар сайд зөвхөн өөрийнхөө нэр төрд л ихээхэн анхаарч, өөрийг нь шүүмжилсэн хүн бүр лүү шүлсээ үсчүүлж, цахим орчноор нэг хэрүүл хийж л өдрийг бардаг боллоо. Нэрээ хэт хичээх нь өнөөх л “жижиг” хүний хийдэг ажил л даа.

Тухайлбал, Өнгөрсөн долоо хоногт сэтгүүлчид өөр хоорондоо мэдээллээ солилцдог “Хэвлэлийнхэн” групп чатандаа Х.Нямбаатарын тухай ярилцсан байж л дээ. Сайд шиг байж чадахгүй байгаа тухай, хөл хорионы үед сэтгүүлчдийг ажлаа хийх нөхцлийг боогдуулж байгаа тухай гэх мэтээр сэтгүүлчдийн дунд яригддаг л зүйлсийг бичицгээж. Гэтэл Х.Нямбаатар түүнийг нь олоод уншчихсан, түүгээр ч зогсохгүй сэтгүүлчдийг бараг тэр асуудлаа бичиж дуусаагүй байхад нь чатных нь өөрийн цахим хуудастаа хуулбарыг гарган тавиад, сэтгүүлчдийг бүгд худалдагдсан, өөрийнх нь эсрэг зохион байгуулалттай дайрах гэж байгаа мэтээр “попорч” эхлэх нь тэр. Бүхэл бүтэн улсын хууль зүйн салбарыг удирдаж байгаа сайд хүн байж хэдхэн хүний групп чатанд бичигдсэн зүйлд бүх анхаарлаа хандуулаад л, цахим сүлжээнд тавьж улстөржүүлээд байх нь өөрийг нь л улам “жижигхэн”, бас муухай харагдуулахаас хэтрэхгүй гэдгийг мань хүн мэдэхгүй бололтой. Өнөөх дуулиан шуугиан болоод байдаг “Сэтгүүлчдийг тагнаж чагнасан” хэрэг Х.Нямбаатарын “Чат”-ны хэргийн дэргэд өчүүхэн аж. Нөгөөтэйгүүр захидал, харилцааны нууцыг задруулахгүй байх хууль байдгийг Хууль зүйн сайд байж мэддэггүй нь харамсалтай.

Түүнчлэн хариуцлагагүй байдлаасаа болж коронавирусийн халдварыг дотоодод алдах нөхцлийг бүрдүүлсэн “Энхсаран” сувиллыг Х.Нямбаатарын дотны найзын хадам ээжтэй холбоотой гэх мэдэгдэл цацагдаад буй. Тэгмэгц л өнөөх сайд маань учиргүй сандарч, өөрийн цахим хуудастаа “Надад сувилал байтугай түрээслэдэг өрөө ч байхгүй”, “Сонгинохайрхан дүүрэгт надтай хамт ажиллаж байсан бүх хүний хадам ээжтэй холбох уу”, “Надтай хамт ажилладаг хүмүүсийн хадам ээжүүд бараг л 1000 гаруй шүү дээ” гэхчилэн зав чөлөөгүй тайлбар бичих аж. Сошиалд өөрийг нь хэн муулах нь вэ гээд шөнө ч унтахгүй шаналж суудаг бололтой юм, сошиалд тавигдсан асуудал, маазрал бүрт хариу өгч байгаагаас нь харвал.

Мөн цахим орчинд “Х.Нямбаатарын гаргасан Эрүүгийн хууль 14-тэй охиныг хүчиндвэл 450 мянган төгрөгөөр торгуулаад өнгөрөх зохицуулалттай. Ийм хүнийг төрд дахиж хэзээ ч битгий гарга” гэж бичсэн хоёр иргэнийг худал мэдээлэл тараасан хэргээр саатуулж, 450, 500 мянган төгрөгөөр тус бүр торгосон асуудал ч бий гэх. Өөрийг нь муулсан хүнийг илрүүлэх, хариуцлага тооцох ажилд хууль хяналтыг бүхэлд нь ашигладаг сайд гэж байх уу.

Ингээд харахаар “Эрдэмтэй хүн даруу

Их мөрөн дөлгөөн” гэх ардын зүйр үг сайд Х.Нямбаатар дээр л утгаа алдаад байна. Уг нь намтартаа хэд хэдэн их сургуульд баклавр, магистр, докторант хамгаалсан эрдэмтэй, эрхзүйн багш, өмгөөлөгч хийж байсан туршлагатай тухайгаа бичсэн байдаг юм билээ.

Тухайлбал Х.Нямбаатарын хувьд 2000 онд “Орхон” их сургуулийг эрхзүйч мэргэжлээр баклавртай төгссөн. Төгсмөгцөө тэр сургуульдаа багшаар үлдэж, 2007 он хүртэл долоон жил төр, эрхзүйн онол заасан гэдэг. Багшлах нь таалагдсан учир 2002 онд “Орхон” их сургуульдаа Боловсрол судлалаар магистрын зэрэг хамгаалжээ. Гэсэн хэдий ч 2005 онд Монголын өмгөөлөгчдийн холбооны гишүүнээр элсэж, багшлахын хажуугаар өмгөөлөгчөөр ажиллах болсон. Өмгөөлөгч хийх нь багшийн цалинтай харьцуулашгүй байсан тул 2007 онд багшийн ажлаа өгчээ. Ингээд 2008 онд Хууль сахиулахын их сургуульд Хууль зүйн ухааны магистр хамгаалсан байгаа юм. Өмгөөлөгчөөр дөрвөн жил ажиллаад 2009 онд Сонгинохайрхан дүүргийн Төрийн захиргаа, удирдлагын хэлтсийн дарга болсон байдаг. Хэлтсийн даргаар гурван жил ажиллаад 2012 онд Сонгино хайрхан дүүргийн ИТХ-ын дарга болсон. Дахиад дөрвөн жилийн дараа 2016 онд УИХ-ын гишүүн болжээ. Төрд орсноосоо хойш буюу 2012 онд Удирдлагын академид суралцаж, Төрийн удирдлагын докторант, Хууль сахиулахын их сургуульд Хууль зүйн ухааны докторант болжээ. Одоо хууль зүйн ухааны доктор горилж буй гэх.

Уг нь долоон жил багшилж, дөрвөн жил өмгөөлөгч хийж, 12 жил төрд ажилласан хүн буурь суух, аахар шаахар зүйлсийг өнгөрүүлж, хошуу дүрэхгүй намбатай байх болсон л баймаар юм. Гэвч цусанд нь байгаа “поп” зан, ахуйн хүрээний хэрүүлд дуртай намбагүй “жижиг” араншин нь ямар ч том албан тушаалд очоод ч арилахгүй бололтой юм.

Цусанд нь байгаа “поп” зан, ахуйн хүрээний хэрүүлд дуртай намбагүй “жижиг” араншин нь ямар ч том албан тушаалд "тавиулаад" ч арилахгүй бололтой юм

Түүнчлэн Хууль зүй, дотоод хэргийн сайд Х.Нямбаатарт цахим орчинд хүүхнүүдтэй хов базаж, өөрийгөө өмөөрч суухаас өөр ажил салбарт нь бишгүй л байгаа. Мэдээж мэдэгдэл хийх бүртээ ярьдаг “цахим гав”-наас нь өөр ажлууд шүү дээ.

Жишээ нь, Х.Нямбаатар 2018 оны хавар “Захиргааны хэргийн анхан шатны шүүгчид 50 мянган ам.доллар, давж заалдах шатны шүүгчид 100 мянган ам.доллар, хяналтын шатны шүүгчид 200 мянган ам.долларын авлига авдаг. Нэг шүүгчийн дандсан нэг сая ам.доллар байна” гэж мэдэгдэж байсан. Түүний энэ мэдэгдэл хэсэгтээ л шуугиан дэгдээж, түүнийг бараг од болгож байлаа. Одоо өөрөө салбарын сайд нь болсон атлаа энэ асуудалд анхаарал хандуулж байна уу.

Мөн 2018 оны арванхоёрдугаар сарын 25-нд Х.Нямбаатар, Л.Оюун-Эрдэнэ, Т.Аюурсайхан, Ж.Батзандан, Л.Болд нар Төрийн ордонд мэдээлэл хийж, ““60 тэрбум”-ын схемийг нураана, УИХ-ын дарга М.Энхболдыг огцруулна” хэмээн мэдэгдэж байлаа. Улмаар дүн өвлөөр хэдэн мянган иргэнийг талбай дээр цуглуулж, “М.Энхболд л огцорчихвол улс хөгжих гээд байна” хэмээн хоолой мэдэн хашгирч, өөрсдийгөө “Шударга-5” гэж цоллож байсан. Үр дүнд нь М.Энхболд огцорсон. Харин төрийн албыг мөнгөөр арилжаалдаг “60 тэрбумын схем”-тэй адилхан тогтолцоо өнөө ч байсаар байгаа гэдэг. Одоо хууль хяналтыг удирдаж байгаа дээрээ төрийн алба, мөнгө хоёрыг салгах ажлаа хийхгүй юм уу.

Энэ мэтээр хууль, шүүхийн салбарт засаж залруулах, хийж хэрэгжүүлэх, шинэчлэх ажлууд асар олон байхад сайд нь сошиалд хэрүүл хийж, өөрийг нь муулсан хүмүүс рүү дайрч, өөрөө чадахгүй бол хууль хяналтын байгууллагаар далайлгаж суух нь зөв юм уу. Ер нь тэгээд ч Хууль зүйн сайд хэмээх Монгол төрийн том албан тушаалд тэр дэндүү “жижигдээд” байна шүү.

Х.НЯМБААТАР Хууль зүйн сайдад дэндүү “жижигдэж” байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 27

Сэтгэгдэл үлдээсэн: 2020-12-29 21:32:53

Baatar: Uuriin xurungu orlogin meduulgiig ni shalga tegeed l todorxoi bolno biz
Сэтгэгдэл үлдээсэн: 2020-12-28 19:20:38

Zochin: Ene erguu tsahimaar herelseer baigaad duusah yum baina l daa
Сэтгэгдэл үлдээсэн: 2020-12-27 19:24:40

Mendbayar: Ene chagabants zailaad ugdug boloosoi k
Сэтгэгдэл үлдээсэн: 2020-12-27 09:22:13

Иргэн: Амны салиа алцааны баас нь арилаагүй амьдрал үзээгүй мэдэхгүй шалдан банди яаж ийм том чухал яамыг удирдах вэ дээ арай тулхтай хүнд өгвөл таарна энэ яамыг
Сэтгэгдэл үлдээсэн: 2020-12-27 08:20:48

Зочин: Зөвхөн албан тушаал хөөсөн мэдлэгэгүй тэнэг Нямбаатар яаж сайд боловоо ойлгохгүй л бна .Гудамжны архичингаас долоон доор зан гаргах юм .Гэртээ охиноо маллаад суувал таарна
Сэтгэгдэл үлдээсэн: 2020-12-26 23:29:19

eej: bolovsrol jijg bn.tarhi n tegheer tiim l setgene
Сэтгэгдэл үлдээсэн: 2020-12-26 17:45:47

Зочин: Зөрчлийн хуулиа цуцлаамаар юм даа хөгийн хууль
Сэтгэгдэл үлдээсэн: 2020-12-23 23:53:35

ах: Угаавч уг хар гэдэг нэг үг байдаг даа
Сэтгэгдэл үлдээсэн: 2020-12-23 15:45:55

Tt: Ogtsoruul
Сэтгэгдэл үлдээсэн: 2020-12-23 15:42:40

Sdda: Zai bolood zailaad dald orooch olonii xaraal idej bx saixn bdgmuu
Сэтгэгдэл үлдээсэн: 2020-12-23 14:46:06

Бид: Зүгээр л орхичих л доо Сайд хүн бна даа .
Сэтгэгдэл үлдээсэн: 2020-12-23 11:12:04

Ё тийм: Ай үнэн бичжээ. Суудал сандал нь тохирохгүйл бндаа. Өөрийгөөл өмгөөлж хамгааалж өдрийг бардаг болоо шив
Сэтгэгдэл үлдээсэн: 2020-12-19 09:39:09

зочин: МАН энэ юу ч м эдэхгүй тэнэгээ зайлуулаад ард иргэдыг амраагаач арай л бишээ ийм юмнууд төр барихаар энэ улс яаж хөгжих вэ дээ
Сэтгэгдэл үлдээсэн: 2020-12-19 03:51:02

Жижиг.: Жижиг юмаа.яНямка ахын хаана н ч хүрэхгүй юм
Сэтгэгдэл үлдээсэн: 2020-12-19 02:12:54

Zochin: ene zaluu yumar aimaar alban tyshaala ashiglj ard tumeng tsagdaad ugch bdg conin gar urid tom darga uhteleel muuluulj bcn xezeech pcer bichcen muu helcn hung tsagdaa shuuh gj bgagui yucn muuhai hel am uhtei janhuu shg ahalchigr zaluu ve
Сэтгэгдэл үлдээсэн: 2020-12-19 02:08:51

Zochin: MAH ene hunee erthen colcon dr baih oo olon tumenii AM hazain gj ng um baidg um ene zaluu odoo yvtsgui bolcn erthen tyshaallaac n buulga tegehgui bol erinhiilegchin conguulid olon tumen uimerch bur byryy congolt bolchihno shuu
Сэтгэгдэл үлдээсэн: 2020-12-19 00:32:35

Zochin: MAN-d Niamdorj.Niambaatar.Biambatsogt 3-aas oor huuli zuin said hiih hun oldohgui bololtoi.Tegeheer huuli zuin yamgui baisan ni deer baihaa..Huuligui yum chini idej uuj.jdu.kontsess.kazino.huchin.allaga.luivar hulgaigaa hiij baihad amar shuu.
Сэтгэгдэл үлдээсэн: 2020-12-18 21:48:07

Undram: Yag unen ene ******** uhsen atsaaraa said hiidiin be. Anh tomilogdohod ni ******** ineed hurch bsan ter sanaachilsan huuliig ni ee hahahahaha. Ogtsor uhaand ni uhna ishig teeglesen ergvv dagz mini. Harahaas oi gutaj ba. 14.5 tai ohiduudiig yana genee muu gulug.
Сэтгэгдэл үлдээсэн: 2020-12-18 21:13:05

Зочин: Энэ хүн үнэхээр жижиглэж байна. Хүн чанар ухаарал алга даа. Гэхдээ энийг томилох шийдвэр гаргана гэдэг үүнээсээ ч дор юмуу даа
Сэтгэгдэл үлдээсэн: 2020-12-18 13:31:24

Zochin: ene nuhur uh buruu jishig togtooloo shuu mongolin shoron 4 jiliin daraa hun gutgecen hergeer duuren yultantai bolno
Сэтгэгдэл үлдээсэн: 2020-12-17 07:16:12

У: Нямдоржтой харьцуулах юм түй ч алга. Үнэхээр жижигхэн бна. Хэл ярианы чадвар гэж алга. Харин тэр Энхбаяр гэдэг залуу бол харагдаад бгаа шүү.
Сэтгэгдэл үлдээсэн: 2020-12-17 03:04:39

Zochin: ene caid hiih namba algaa ng emegtei huntei heruul higd l ybaad baih n bc 3 hunig shuuh3d ugch 500.0 k torguulcn gcn javgants shig noiton hamuu shig nuhu r bn da Ter naminhaa ah nyumdorjooc acyygacai nacarai huulin caid hiicn hun yuj ajil hiidgig ene calbarg yuj avch ybahuu gd ng l uh peedger gar bn shuu
Сэтгэгдэл үлдээсэн: 2020-12-16 19:11:58

ok: uhej dald orbol taarna...
Сэтгэгдэл үлдээсэн: 2020-12-16 17:55:27

Ok: Ene zaluu denduu hurgan bna
Сэтгэгдэл үлдээсэн: 2020-12-16 17:10:18

Zochin: Muu novshiin harh uhvel taarna evgui gazar taarval tsohihod uhnede chi muu
Сэтгэгдэл үлдээсэн: 2020-12-16 16:17:09

Цэрмаа: Хэрүүлээс хэтрэхгүй амтай Арьсаа хамгаалахаас илүү сэтгэж чаддаггүй жижиг бөндгөртэй Яаж гарч ирлээ дээ. Монгол хүнд дургүй Энэ нөхөр Сайд битгий хэл багш хийх зохимжгүй ёс суртахуунгүй хүн юм ба. Хоолоо олж идэхэд учир бий Ийм их нэр төр албан тушаалын төлөө үхчих гээд Ардын амны бай болж бйдаг.
Сэтгэгдэл үлдээсэн: 2020-11-25 10:14:38

зочин: Голтой л үнэн юм бичиж. Ийм жижиг нөхөр жижиг л газар байх ёстой. Юун яам бээ