УИХ-ын нэгдсэн чуулганаар Хөрөнгө оруулалтын банкны тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Хуралдаанаар үеэр УИХ-ын гишүүн Ц.Даваасүрэн үг хэлж, асуулт асуулаа.

   Тэрбээр “Энэ хуулийн асуудал өмнө хөндөгдөөд, буцахдаа гадаадын улс орнуудын төрийн өмчийн компани хөрөнгө оруулалт хийж болохгүй. Одоо ямар нэгэн төрийн өмчит компани хөрөнгө оруулалт хийх боломжгүй гэж би ойлгож байгаа. Бид томоохон улс орон дамжсан банкны салбар байхгүй шалтгаан юу юм бэ. Гадаадын томоохон хөрөнгө оруулалтыг дагаж, банкнууд орж ирдэг. Рио тинто, Оюутолгойг дагаж, хоёр том банк орж ирэх гэж байсан. Гэтэл бид гэрээ байгуулахдаа Оюутолгойн мөнгийг оруулж ирэхгүй, гадаад хадгалж, зарцуулж болно гээд зөвшөөрсөн. Үүнээс болоод гадны банкнууд орж ирэх хаалга хаагдсан. Монгол Улсад өнөөдөр улс орон дамжсан банк байхгүй байгаа нь бид нараас болсон. Цаашдаа үнэт цаас гаргана гэж байгаа. Гадаадын зах зээл дээр үнэт цаас гаргаад, босгоно гэдэг нь Монгол Улсын өр дээр л тооцогдоно. Энэ тал дээр анхаарахгүй бол Хөгжлийн банк шиг асуудал үүсэх эрсдэлтэй. Эхнээсээ зөв явахгүй бол болохгүй, энэ хуулийг хэрэгжүүлэхэд Санхүүгийн зохицуулах хороо, Монголбанк, холбогдох байгууллагууд хяналт тавьж ажиллах шаардлагатай. Монголбанк хяналт тавиагүй улмаас Хөгжлийн банкны асуудал үүссэн” гэлээ.