УИХ-ын гишүүн Э.Бат-Амгалан өчигдөр архидан согтуурсан үедээ Хууль зүйн байнгын хорооны хуралдаанд оролцож, УИХ-ын гишүүн Б.Пүрэвдоржтой маргасан. Тэрбээр “Б.Пүрэвдорж оо, гараад ир. Чамайг ална даа” гэх зэргээр ёс бус авир гаргаж, ёс зүйгүй авирласан гэх мэдээлэл цахим сүлжээнд хөвөрч байгаа билээ. Мөн Э.Бат-Амгалан, Б.Пүрэвдорж нарын маргааныг Хууль зүй, дотоод хэргийн сайд Х.Нямбаатар зогсоож, Э.Бат-Амгалан гишүүний гараас түшиж, хуралдаанаас гаргасан юм.

       Харин УИХ-ын гишүүнийг согтоогүй байгаагүй хэмээн УИХ-ын гишүүн Б.Баттөмөр мэдэгдээд байна. 

Тэгвэл бид энэ талаар Х.Нямбаатартай холбогдож, тодрууллаа. Тэрбээр “Э.Бат-Амгалан гишүүн согтуу байгаагүй эрүүл байсан. Гишүүд хоорондоо маргахаар нь би болиулж, салгадаг биз дээ. Тэр дагуу л хуралдааны танхимаас УИХ-ын гишүүн Э.Бат-Амгаланг гаргасан. Хуралтай байгаа учраас өөр мэдээлэл өгөх боломжгүй” гэв.