Хотын дарга асан Су.Батболд сэтгүүлчдэд мэдээлэл өгчээ.

         Тэрбээр “Миний нас, мэдлэг, дадлага, туршлага Монголын төрд хэрэгтэй болов уу гэж би боддог. Миний амьдралын бүхий л цаг хугацаа Үндсэн хууль, Засаг захиргааны нутаг дэвсгэрийн хууль, Төрийн албаны хууль, захиргаа тойрсон асуудал дээр л би тойрч ажиллаж байсан. Тухайлбал, би Төрийн байгуулалтын байнгын хороонд би 14 жил харьяалагдаж, ажилласан. Тэрнээс би Эдийн засгийн байнгын хороо, мөнгө, санхүү, аж ауйн нэгжийн чиглэлд оролцож, ажиллаж байгаагүй. Миний мэргэшсэн салбар төрийн захиргаа, төрийн албаны чиглэл юм. Монгол төрийн алба гурван үеийн залгамж байх ёстой. Ахмад, дунд, залуу үеийнхэн түүчээлж, төрийн албыг авч явна. Би өөрийгөө улстөрч гэхээс илүүтэйгээр төрийн хар хүн, төрийн албан хаагч байх гэж боддог. Одоогийн улс төр чинь тэмцэл болчихоод байна шүү дээ” гэлээ.