УИХ-ын гишүүн Э.Бат-Амгалан өчигдөр архидан согтуурсан үедээ Хууль зүйн байнгын хорооны хуралдаанд оролцож, УИХ-ын гишүүн Б.Пүрэвдоржтой маргасан гэх. Тэрбээр “Б.Пүрэвдорж оо, гараад ир. Чамайг ална даа” гэх зэргээр ёс бус авир гаргаж, ёс зүйгүй авирласан гэх мэдээлэл цахим сүлжээнд хөвөрч байна.

         Бид энэ талаар УИХ-ын гишүүн Б.Пүрэвдоржтой холбогдож, тодруулахад “Би Э.Бат-Амгалан мэтийн жижиг гаруудтай маргадаг ч үгүй, ярьдаг ч үгүй. УИХ-ын чуулганы үеэр хэлсэн үгнээс болж бухимдсан юм байлгүй. Би Байнгын хорооны хуралд үг хэлж байсан учраас Э.Бат-Амгаланг юу гэж ярьж байгааг ойлгоогүй. Өөрийнхөө хэлэх үгэнд анхаараад анзаараагүй гэсэн үг. Ямартай ч Э.Бат-Амгалан над руу дайрч л байсан. Сайн мэдэхгүй байна” гэв.