УИХ-ын гишүүн Х.Булгантуяа Хөрөнгийн үнэлгээний тухай хуулийн талаар мэдээлэл хийж байна. Тэрбээр "Хөрөнгө үнэлэх тал дээр дуртай үедээ ихээр үнэлж, дургүй үедээ багаар үнэлдэг, татвар болон банк өөр үнэлдэг байдал үүсээд байна. Тиймээс хууль эрх зүйн орчинг сайжруулах ёстой гэж ОУВС анхааруулсан. Ингээд Сангийн яаманд зөвлөх ирж хөрөнгийн үнэлгээчдийн үнэлгээг сайжруулж, хууль эрх зүйн орчинг сайжруулах нь зүйтэй гэж үзсэн.

      Зөвшөөрлийн тухай хуульд тэр төр зөвшөөрөл өгдөг байдлыг багасгах талаар ч ярьж байгаа. Мэргэжлийн холбоодод хариуцуулдаг болно. Шүүхийн шийдвэрийн дагуу шүүхийн шаардлагаар хөрөнгийн үнэлгээ хийх тохиолдол ч гардаг. Цаашид бид хөрөнгийн үнэлгээчдийг нарийн мэргэшүүлэх хэрэгтэй. Хувь хүн хөрөнгийн үнэлгээчнээр хийлгэж болно. Харин хуулийн этгээд илүү их хариуцлага хүлээж, мэргэжлийн даатгалд хамаарна. Мөн Сангийн яам мэргэжлийн нэгдсэн арга зүйгээр ханган ажиллах ёстой. 200 гаруй үнэлгээчид байна. Шаардлага тавиад хуулийн этгээд болохоор маш цөөн болдог.  Татвар дээр иргэний хөрөнгийг орд харш гэж үзээд, банк амбаар гэж үнэлдэг. Тиймээс хуулиар шинэ журам аргачлалыг нь зохицуулна. Үүнийг Сангийн яам нэгдсэн аргачлал батлаад эхлэхээр их багаар үнэлдэг байдал арилна" гэв.