Их дээд сургуулийн дотуур байранд 11 мянга гаруй хүүхэд байдаг талаар Боловсролын сайд Л.Цэдэвсүрэн хэллээ. Одоогоор танхимын сургалтаас танхимын бус хэлбэрээр хичээлүүд үргэлжлээд явж байна. Оюутнууд дотуур байрандаа ч гэсэн онлайн хичээлдээ хамрагдаад явж байна. Дотуур байрны хүүхдүүдээс асуумж авч байна. Дотуур байрандаа амьдарч чадах уу, амьжиргааны эх үүсвэрээ хаанаас гаргах вэ, эцэг эхчүүд нь хоол хүнсээр нь хангаж чадах уу гээд асууж байна гэлээ. Харин Шадар сайд Я.Содбаатар “Засаг дарга нарын нөөц хөрөнгө хомсхон байгаа. Бүх нийтийн бэлэн байдлын зэрэгт шилжсэнтэй холбогдуулан төлөвлөгдөөгүй зардлууд гарч байна. Төсвөөс гаргаж байгаа мөнгийг нэн шаардлагатай зүйлд зарцуулах ёстой гэсэн чиглэл Засгийн газраас өгөгдсөн. Нөөц хөрөнгөд нь хүндрэл гарч байгаа аймгууд байна. Сангийн сайдтай ярилцаж байгаад зарим хэмнэгдсэн хөрөнгөө Ковид руу зарцуулах зохицуулалт хийгдэх байх” гэлээ.