УИХ дахь АН-ын бүлгээс цаг үеийн асуудлаар мэдээлэл хийлээ.

Ж.Батсуурь: Энэ сарын 13-д ҮБХ хуралдах шийдвэр гаргасан. Энэ хуралд маргалдагч талын ихэнх хүмүүс ирнэ. Дээд шүүх дээр намын дарга байхгүй гэсэн. АН-ын оюун санаа болсон, давхардсан тоогоор 400 орчим ҮБХ-ны гишүүд байдаг. Баасан гарагийн хуралд 300 орчим  гишүүд оролцож, АН-д  тулгараад байгаа асуудлаа шийдье гэсэн. Энэ эвлэрэлд санал нэгтэй биш байгаа С.Эрдэнийн тал, зарим хүмүүсийн хэлдгээр Женкогийн тал бүгд бүрэн бүрэлдэхүүнээрээ оролцох боломжтой. Ардчилсан нам гэдэг нэг байх  ёстой.

О.Цогтгэрэл:  Бид намын эв нэгдэлтэй холбоотойгоор нэгдүгээр сарын 13-ны өдөр буюу шинэ Үндсэн хууль батлагдсан өдөр Ардчилсан намын Үндсэний бодлогын хорооны хурлыг зарлаж байна. Бүх асуудлыг нээлттэй ярилцах боломжтой. Ардчилсан намынхан эв зүйгээ ололцож чадсангүй. Ардчилсан намын бүлгээс зохион байгуулах гэж байгаа хурлыг ирэх Баасан гаригт өргөн хүрээтэй, хууль шүүхийн маргаангүй зохион байгуулна. Үндсэний бодлогын хорооны хуралд 300 гаруй гишүүн оролцоно. Х.Баттулгыг дэмжигч гишүүд ч ирж, оролцохыг урьж байна.

Б.Пүрэвдорж: Х.Баттулга гэдэг хүн бидний танихгүй н.Мөнхбаяр гэдэг хүнийг намд бүртгүүлэхээр явж ирсэн. Үүнийг нь С.Эрдэнийн тал эсэргүүцдэг. Өнөөдөр энэ хоёр нийлээд, Ардчилсан намыг сонгуульд унагахаар нэгдэж байна. Ардчилсан намын Үндсэний бодлогын хороо хуралдаж намын даргаа сонгох асуудлыг ярих гэж байна.