УИХ-ын гишүүн Ц.Даваасүрэнг Барилга хот байгуулалтын сайдын суудалд томилох шийдвэрийг МАН-ын Удирдах зөвлөлөөс дэмжлээ. Энэ талаар тэрбээр “Өмнө нь Засгийн газрыг бүрдүүлэхэд надад  сайд болох санал тавьж байсан. Тэр үед би татгалзсан. Сая мөн санал тавилаа. Ерөнхий сайдын зүгээс “Та ийм үед дандаа хойш суугаад байж болохгүй. Хархорин гэх хотын бүтээн байгуулалтын суурийг тавих асуудлыг хариуц. Мөн нийслэл хотын гэр хорооллын төлөвлөлтийн асуудлыг шийдэх, Чингис хаан нисэх буудалд хийгдэх шинэ бүтээн байгуулалтыг хариуцан ажиллаж, туршлагаа хуваалцах хэрэгтэй” гэх үүргийг өглөө" гэв.