Нүүрсний хулгайн хэрэгтэй холбоотой нотлох баримтыг дэлгэсэн иргэн Г.Ган-Очир Франц улсад хоригдож байгаа талаарх мэдээлэл тархаад буй.  Энэ талаар Хууль зүй, Дотоод хэргийн  сайд  Х.Нямбаатар тайлбар өгсөн юм. 

    Тэрбээр "Монгол улсын иргэн Ган-Очир сая шинэ жилийн үеэр франд улсад  Монголчуудын зохион байгуулсан шинэ жилийн арга хэмжээнд орох үеэрээ хүний биед халдсан гэх хэргээр цагдаагийн байгууллагад дуудлага мэдээлэл очсон. Үүний дагуу хэрэг бүртгэлийн ажиллагаа явагдаад шүүхийн шийдвэрээр зургадугаар сарын 24 хүртэл хугацаагаар эрхийг нь хязгаарласан гэх мэдээлэл авсан. Манайхаар бол баривчилсан гэсэн үг. Давж заалдсан эсэх талаар сайн мэдэхгүй байна. Ямар ч байсан эмэгтэй хүний биед халдсан гэх мэдээлэл ирсэн" гэлээ.