МАН-ын Удирдах зөвлөл яг одоо хуралдаж байна. Хуралдаанаар Засгийн газрын бүтэц, бүрэлдэхүүнд  өөрчлөлт оруулах асуудлыг хэлэлцэж байгаа юм.

Тодруулбал, Эрүүл мэндийн сайд С.Энхболдын оронд УИХ-ын гишүүн С.Чинзоригийг, Барилга хот байгуулалтын сайд Б.Мөнхбаатарын оронд УИХ-ын гишүүн Ц.Даваасүрэнг, Боомтын сайдад Х.Булгантуяаг, Шадар сайдад Эдийн Засгийн хөгжлийн сайд Ч.Хүрэлбаатар нарыг дэмжсэн байна.

Мөн Тавантолгой түлш компанийн захирал асан М.Ганбаатарыг Байгаль орчин, аялал жуулчлалын яамны дэд сайдад тус яамны дэд сайд Г.Түвдэндоржийг Эдийн засгийн хөгжлийн яамны дэд сайдад, Цахим хөгжил харилцаа холбооны дэд сайдад МАН-ын Удирдах зөвлөлийн гишүүн Г.Золзаяаг тус тус томилохыг Удирдах зөвлөл дэмжсэн байна. Үргэлжлүүлэн МАН-ын бүлэг хуралдана гэх мэдээлэл байна. Сайд нарын томилгоог УИХ-ын чуулганы нэгдсэн хуралдаанаар хэлэлцэж, эцэслэх хуулийн зохицуулалтай.