Ардчилсан  намын бүлгээс мэдээлэл  хийлээ.

      Энэ үеэр УИХ-ын гишүүн Д.Ганбат "АН-ын бүлгийг улстөрчдийг хязгаарладаг сөрөг хүчин байлгахын тулд би нэлээн удаан ажилласан. УИХ дахь АН-ын бүлгийг зургаан гишүүнтэй байсныг 12 болгож бэхжүүлсэн. Ганц намын, ганц хүний дарангуйлал хэр хэмжээнээсээ хэтэрч байна гэдэг зүйлийг хэлж ярьсаар ирсэн. Гэтэл АН-ын нэр дээр сонгогдсон бүлгийн гишүүд гадаа өлсгөлөн зарлаад байж байсан. Гадаа долоон гишүүн өлсгөлөн зарлахдаа "Дарга нарт үйлчилнэ, өөрийг нь төрийн нарийн, дэд сайд болгох, өөрийг нь УИХ-д сонгогдоход нөлөөлсөн хүмүүсийн ачийг хариулна. Тиймээс Ерөнхийлөгчийн сонгуульд заасан хүнийг нь дэвшүүлнэ" гээд явж байсан. Кнопоо наймаалцаж Үндсэн хуулийг баталдаг. Тэрийгээ багцалж зардаг зүйл нь УИХ-ыг УИХ биш, ЗГ-ын ЗГ биш болгосон. Яамнаасаа баян сайд нарыг төрүүлсэн нь ард түмний дургүйцлийг ихээхэн хүргэж байна.

     Мөн ҮБХ-гоо арай гэж цэгцлээд явж байхад өчигдөр юу болж байгааг та бүхэн харлаа. Бас л нөгөө хэдэн нөхдүүд оччихсон, самраад зогсож байна. Байнга хууль бус зүйл хийнэ. Та бүхэн санаж байвал, Ковидын үед Дүнжингарав худалдааны төвийн гадаа хууль бус хурал хийж, ҮБХ-ны гишүүд гээд хүмүүсийг цуглуулсан.

Тэр үеэрээ хөдөө орон нутагт ажиллаж байгаа хүмүүсийг дуудаад Олимпын аварга байсан хүнийг Улсын начинтай маргалдуулах боломжийг бий болгосон, орон байрыг нь бэлдсэн, ийм муухай зүйлийг О.Цогтгэрэл гэгч хүн бий болгож байсан. Энэ хүн байнга АН-ыг самардаг. Тесогийн хувцастай хүмүүс нь Төв талбайд Улсын баатар хүнийг зодоод явдаг. Гэтэл ҮБХ арай гэж эмхэндээ оронгуут МАН-тай эвлэлдээд АН-ыг буцаагаад үр дүнгүй, доошоо болгох ажлыг хийж байна. Гэмт хэрэг, үндэслэлгүйгээр хөрөнгөжсөн байдлаараа барьцаалагдсан, энэ эрхээ хамгаалагдсан эрхээ хамгаалуулах гэсэн хүмүүс байна" гэлээ.