МАН-ын Удирдах зөвлөл өнөөдөр 13:00 цагт хуралдах товтой байна. Уг хурлаар Засгийн газрын бүтэц, бүрэлдэхүүнд өөрчлөлт оруулах асуудлыг хэлэлцэх аж.

      Тодруулбал, "дан дээл"-тэй сайд нарыг "давхар дээл"-тэй сайдаар солих тухай асуудлыг хэлэлцэх талаар эх сурвалжууд мэдээлж буй. Эрүүл мэндийн сайдаар УИХ-ын гишүүн С.Чинзориг, Боомт хариуцсан сайдаар УИХ-ын гишүүн  Г.Тэмүүлэн, Барилгын хөгжлийн сайдаар УИХ-ын гишүүн Ц.Даваасүрэн, Шадар сайдаар УИХ-ын гишүүн Ч.Хүрэлбаатар нарыг томилох талаар ярьж байгаа гэх. Харин УИХ-ын гишүүн Г.Тэмүүлэн Боомт хариуцсан сайдын саналаас татгалзсан талаараа мэдээлэл өгсөн.  МАН Удирдах зөвлөлийн хуралдаан зарласан талаар Эдийн засаг  хөгжлийн сайд Ч.Хүрэлбаатар "Удирдах зөвлөл 13:00 цагт хуралдах юм байна" гэх мэдээлэл өгөөд буй.

    Хуралдаанаас гарсан шийдвэрийн талаар эргэн мэдээлэх болно.