Засгийн газрын бүтэц, бүрэлдэхүүнд өөрчлөлт оруулж, Эрүүл мэндийн сайдаар С.Чинзориг, Боомт хариуцсан сайдаар Г.Тэмүүлэн, Барилгын хөгжлийн сайдаар Ц.Даваасүрэн, Шадар сайдаар Ч.Хүрэлбаатар нарыг томилох талаар МАН-ынхан тохироотой байгаа гэх. 

    Боомт хариуцсан сайдын суудалд яригдаж байгаа УИХ-ын гишүүн Г.Тэмүүлэн мэдээлэл өглөө. Тэрбээр "Төсвийн байнгын хорооны ажлыг хүлээж аваад удаагүй байна. Бид төсвийн сахилга бат хариуцлагыг сайжруулах шаардлага байна. Тиймээс дөнгөж хүлээж авсан ажлаа үргэлжлүүлэх юм. Тун удахгүй Төсвийн байнгын хорооноос төсвийн шинэчлэлтэй холбоотой 10 орчим хуулийн төслийг өргөн мэдүүлэх гэж байна. Тэгэхээр энэ бол Монгол Улсын төсвийн том өөрчлөлт болно. Тиймээс энэ ажлаа үргэлжлүүлэх болно. Ерөнхий сайд, намын дарга надад сайд болох санал тавьсан. Гэхдээ би төсвийн шинэчлэлийн ажлаа үргэлжүүлэх, шинэчлэлийг энэ ондоо багтаан дуусгах, сахилга хариуцлагыг нэмэх ажлаа үргэлжлүүлнэ. Би намын дарга, Ерөнхий сайдын тавьсан саналаас татгалзсан" гэлээ.