УИХ-ын намрын ээлжит чуулган хуралдаж байна. Хуралдаанаар “Хөрөнгө оруулалтын банкны тухай” хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Хуралдааны үеэр УИХ-ын гишүүн Ц.Даваасүрэн үг хэлж, хариулт авлаа.

 Тэрбээр “Шинээр байгуулагдах  банкийг Хөгжлийн банк шиг болгохгүй байх талаар эхнээс нь бодох хэрэгтэй. Мөн баталгааны асуудал, гадаад зах зээлд үнэт цаас гаргах тал дээр анхаарах нь зүйтэй. Монголбанк сүүлийн үед Хөгжлийн банканд тавих хяналтаа сулруулсан. Ирээдүйн хөрөнгөөрөө барьцаалж, зээл авах нөхцөлтэй зээлүүд олгосон. Холбогдох журмаар нь зохицуулна гэсэн ч чадаагүй. Энэ мэт асуудлуудыг дараагийн хэлэлцүүлэг дээр сайн анхаарах хэрэгтэй" гэлээ.