"Өргөө" амаржих төвд амаржихаар очсон эх эмнэлгийн байгууллагын тусламж, авч чадалгүй машиндаа төрсөн харамсалтай хэрэг өнгөрсөн сарын 31-нд гарсан. Тэгвэл өнгөрсөн шөнө эмнэлгийн гадна амаржсан эмэгтэйн хүүхдийн биеийн байдал муудаж, эрчимт эмчилгээнд шилжсэн гэх мэдээлэл бий. Энэ талаар "Өргөө" амаржих газрын Эмчилгээ эрхэлсэн дэд захирал Ц.Алтантуяа  “Хүүхдийн биеийн байдал хэвийн байгаа. Гэхдээ жингийн дутагдалтай төрсөн учир эмчийн хяналтад орсон. Иргэд болон тухайн гэр бүлээс уучлал хүсэж байна. Эх, нярайн эрүүл мэндийг бид чандлан сахих болно. Бид эх баригчийнхаа сандраад гаргасан, алдаатай үйлдлийг хүлээн зөвшөөрнө” гэх тайлбар хийгээд буй. 

     Энэ талаар бид эмнэлгийн гадна амаржсан эмэгтэйн нөхөр У-тай холбогдож тодруулахад "Эх хүүхдийн биеийн байдлын талаар мэдээлэл өгөх боломжгүй байна. Гэхдээ эрүүл мэндийн байгууллагынхан ташаа мэдээлэл өгч байна" гэх тайлбар өглөө.