УИХ-ын гишүүн Ш.Адьшаа  өргөн барьсан хуулийн төслийнхөө талаар мэдээлэл өглөө.

         Тэрбээр “Шинэ он гарч, шинэ нөхцөл байдал, шударга ёс, хулгай дээрэмтэй тэмцэх, монголын төр шинэ шатанд гарах эхлэл болсон өдөр тохиож байна. УИХ-ын гишүүний хууль санаачлах бүрэн эрхийн хүрээнд өнөөдөр нийгэмд үүсээд буй төрд бугшсан, хамгийн том луйврын схем, төрөөс баталгаа гаргасан зээл, тусламжийг өөрийн хамаарал бүхий этгээдүүдэд авч, ард түмний боломжийг хулгайлдаг энэ байдлыг өөрчлөхийн тулд нийтийн болон хувийн аж ахуй нэгжийн ашиг сонирхлын зөрчлийг арилгах. Ашиг сонирхлын тухай хуульд нэмэлт өөрчлөлт оруулах тухай хуулийн төслийг өргөн барилаа. Энэ хуулиар бидний зэвүүцлийг хамгийн их хүргэж буй төрөөс баталгаа гаргасан. Зээл хөтөлбөрүүдийг завшдаг ийм асуудлууд шийдэгдэнэ" гэлээ.