УОК хуралдаж, цаг үеийн зарим асуудлаар мэдээлэл өглөө. Бүх нийтийн хөл хорионы үр дүнгээс нэг, хоёрдугаар хавьтлын хүрээг бүрэн тогтоосон гэв. Иймд Засгийн газар УОК-оос зөвшөөрсөн 11 салбарын 13 төрлийн албан хаагчид нийтийн тээвэр болон хувийн машинаараа замын хөдөлгөөнд оролцох боломжийг нээлттэй болгож байна. Түүнчлэн нийтийн тээврийн үйлчилгээг энгийн горимд шилжүүллээ. 

Мөн хүнс түгээлтийн үйлчилгээг 7:00 цагаас 17:00 цаг хүртэл үргэлжлүүлэхээр болсон байна. Арванхоёрдугаар сарын 1-нээс хойш нөхцөл байдалтай уялдуулан 2-3 төрлийн төлөвлөгөө авахаар боловсруулаад байгаа гэдгээ албаныхан онцоллоо. Цар тахлыг хумисан бол энгийн горимоор ажиллах, нэмэгдвэл цаашид хэрхэх талаар төлөвлөсөн аж. 

Нийслэлийн эрүүл мэндийн үндэсний төвийн захирал Д.Нарантуяа "Коронавирус хүндэрсэн үедээ амьсгалын замын хүндрэлийг үүсгэж, олон системийг доголдуулдаг. Ийм учраас хөл хорионы дэглэмийг хатуу барих нь зөв гэж үзэж байна. Хэрвээ хатуу хөл хорио тогтоогоогүй бол долоо хоногийн дараа 500 гаруй, цаашлаад халдвар авах хүний тоо 2000 орчим болж өсөх хандлагатай байсан. 11 хоногийн хөл хорионы үеэр лабораторийн шинжилгээг 110 мянган хүнд хийлээ. 18 цэгт 25644 хүнд тандалт байдлаар түргэвчилсэн оношлуураар шинжилгээ хийсэн. Батлагдсан тохиолдол болох 146 хүний ойрын хавьтал болох  700 хүнийг бүрэн шинжилгээнд хамрууллаа. Хоёр дахь хавьтлуудад шинжилгээ хийгээд явж байна. Одоогоор бид тандалтын зураглалтай болсон учраас хөл хориог тодорхой байдлаар багасгаж болно гэсэн зөвлөгөөг эрдэмтдийн зүгээс өгч байна” гэлээ.

Энэ үеэр сэтгүүлчдийн асуултад хариуллаа.

- Хөдөөнөөс халдвар авсан иргэдийг авч ирж байгаа гэсэн. ХӨСҮТ-ийн ачаалал ямар байгаа вэ?

Нийслэлийн эрүүл мэндийн үндэсний төвийн захирал Д.Нарантуяа

-Авто машины түгжрэл буурахгүй байна. Энэ ямар учиртай юм бэ?

Нийслэлийн Засаг даргын орлогч Ж.Сандагсүрэн 

- Эхний удаад тусгай зөвшөөрөл өгч автомашин явуулахаар тооцсон боловч зөвшөөрөл хүссэн машины тоо 100 мянгад хүрсэн. Уг нь бид 17 мянга орчим гэж тооцоолсон. Тиймээс бид технологийн дэвшил ашиглаж замын хөдөлгөөний ачааллыг бууруулах арга хэмжээ авч байгаа. Тиймээс QR кодоор дамжуулж замын хөдөлгөөний зохицуулах гэж байна. Мөн нийтийн тээврийн хэвийн горимоор явуулах шийдвэр гаргасан. Хамгийн гол нь иргэд зай хоорондын барих.

-Орон нутгаас ирсэн иргэдийг гаргах ажлыг хэзээ зохион байгуулах вэ?

-Хөдөө орон нутгийн иргэд дээр олон санал ирж байна. Орон нутгийн иргэдийг буцаах талаар судалж байна. Одоогоор шийдвэр гаргаагүй байна. Ажлын хэсэг судалгаа хийж байгаа. Иргэдээс шинжилгээ аваад гаргах боломж бүрдсэн. Харин орон нутагт очоод эдгээр иргэнийг хөл хорионд байлгах баталгаа өгч чадах эсэх нь эргэлзээтэй байна. Тиймээс орон нутгийн удирдлагуудтай тохиролцох ажил үлдсэн.