УИХ-ын гишүүн Т.Аубакар халдваргүй бүсээс халдваргүй бүс рүү оюутнуудыг шилжүүлж болох эсэх талаар Шадар сайд Я.Содбаатараас асуулаа. Тухайлбал, Говь-Алтай аймгийн Анагаахын сургуулийн оюутнуудыг халдваргүй бусад аймаг руу нь явуулах, эсвэл Ховд сургуулийн оюутнуудыг аймгууд руу нь явуулах боломж байгаа эсэх талаар Шадар сайд хариулахдаа “боломжгүй” гэсэн хариултыг өглөө. Учир нь нөхцөл байдал хүндэрвэл Анагаахын ахлах курсын оюутнуудыг дайчилна гэлээ. Тиймээс бэлэн байдалд байлгах ёстой гэсэн юм. Мөн оюутнуудаа авах гэж бусад аймгаас машинтай очсон байна. Тийм боломжгүй гэдгийг аймгийн удирдлагуудад анхааруулсан байна.