УИХ-ын чуулганы үеэр С.Одонтуяа гишүүн асуулт асуухдаа Ерөнхий сайдын өчигдрийн хийсэн мэдэгдлийг шүүмжилж “бид дайнтай кинонд тоглож байгаа биш” гэж хэлсэн нь Байгаль орчны сайд Д.Сарангэрэлийн бухимдлыг төрүүлжээ. УИХ-ын гишүүн С.Одонтуяа "Улсын Онцгой комисст төлөвлөгөө байна уу, өнгөрсөн хугацаанд бэлэн байдалд ажиллаагүй" гэхэд Д.Сарангэрэл сайд “Төлөвлөгөөний дагуу ажилласан. Дэлхийн бусад улс орнууд удирдагч нартаа урам, дэм өгч байна. Өнгөрсөн хугацаанд 12 мянган хүн гардан тулаанд орсон нь үнэн” хэмээн Ерөнхий сайдыг өмөөрсөн юм. Тэрбээр өнгөрсөн хугацаанд Эрүүл мэндийн сайдаар ажиллаж байсан бөгөөд өөрийн хийсэн ажлаа хамгаалж хариу тайлбар хийсэн нь энэ юм. Тэдний маргаан ширүүсч УИХ-ын дарга Г.Занданшатар “Охидууд томоотой байна шүү” хэмээн анхаарууллаа.