УИХ-ын гишүүд Улсын онцгой комисс болон Сангийн сайдаас асуулт асууж байна. УИХ-ын гишүүд С.Одонтуяа “Өчигдөр Ерөнхий сайд олон нийтэд хандаж үг хэллээ. 10 сар бид бүслэлтэд байлаа одоо гардан тулаанд орж байна гэж хэлсэн. Энэ бол хариуцлагагүй мэдэгдэл. Бид  ямар байлдаантай кинонд тоглож байгаа биш. Нэг шөнө газар хөдлөөгүй. Өнгөрсөн 10 сарын хугацаанд ярьсан шүү. Бид төсөв батлахад олон удаа хэлсэн. Цар тахлын үед баталж байгааг анхааруулсан. УИХ-ын гишүүд тоогоогүй. Тэр олон музей, усан оргилуураа болиоч гэж хэлсэн. Аж ахуйн нэгжүүддээ нэг ч төгрөг тавиагүй. Бид бэлэн байх ёстой байсан. УОК-т бэлэн байдлын төлөвлөгөө байна уу” гэхэд  Шадар сайд Я.Содбаатар “гурван сард баталсан стратеги төлөвлөгөө байгаа. Үүний дагуу хариу арга хэмжээ авч хийгдэж байгаа. Төсөв мөнгө нь гарсан. Бэлэн байдлыг хангаж ажиллаж байгаа учраас өнөөдрийн нөхцөл байдалд шуурхай ажиллаж байна гэсэн хариул өглөө. С.Одонтуяа гишүүн шинэ стратеги төлөвлөгөөгөөр ажиллах шаардлагатй байгааг анхаарууллаа.