Улсын онцгой комиссоос мэдээлэл хийж байна. Хатуу хөл хориог 14 хоногоор сунгах шийдвэртэй холбогдуулан хөдөөнөөс хотод ирээд гацсан иргэдийг хэрхэн буцаах талаар тодрууллаа. Шадар сайд Я.Содбаатар "Ойрын болон дам хавьтлын хүмүүсийг олж, илрүүлэх шинжилгээнд хамруулах ажил хийгдэж байна. Мөн давтан шинжилгээгээр халдвар илрээд байгаа учраас хөл хориог үргэлжлүүлэх шаардлагатай байна. Орон нутгийн иргэдийг гаргалаа гэж бодоход нэг аймагт очоод халдвар тараачихвал яах вэ. Халдвар авсан 12 хүний ойрын хавьтлын 2000, дам хавьтлын 5000 гаруй хүн байна. Эхний ээлжинд энэ хүмүүсээс шинжилгээ авч дуусгах хэрэгтэй байна. 14 хоногийн хугацаанд хөдөө орон нутгийн иргэдийг  яаж гаргах вэ гэдэг асуудлыг судлаад журам гаргах ажлыг зохион байгуулна. Хотод ирсэн хүмүүсийг ойлгож байна. Нийтийн эрх ашгийн төлөө хөдөөний иргэд маань уужуу тайван хандах хэрэгтэй" гэлээ. Мөн нөөцийн мах зараад иргэдийг бужигнуулаад байгаа асуудал дээр ХАА-н сайд нөөцийн мах хангалттай байгаа учраас сандрах зүйл байхгүй. Иргэд орон нутаг руу зорчих гэж хүнсний машинд нуугдаж гарах тохиолдол ихэсч, хууль, хүчний байгууллагын ажилчдад хүндрэл учруулж байна гэлээ. Маргаашнаас нөөцийн мах худалдаалах цэгийг нэмэх юм байна.