Эрүүл мэнд сайдын зөвлөлийн хурлаар хөл хориог 14 хоног сунгах санал гаргаж, УОК, Засгийн газарт хүргүүлсэн. Тодруулбал, тохиолдлын дам халдваруудыг тогтоох, шинжилгээнд хамруулах ажлуудыг өргөн хүрээнд хийх шаардлагатай гэж эрүүл мэндийн байгууллагууд үзсэн байна.

 

Түүнчлэн хүн  амын дунд санамсаргүй түүврийн аргаар 4000-5000 хүнд шинжилгээ хийх тул хөл хориог сунгах шаардлага үүсээд байгаа аж.

 

Эрүүл мэндийн яамнаас гаргасан дээрх саналыг УОК-ын шуурхай хурлаар хэлэлцүүлж, хөл хориог сунгах саналыг хүлээж авсан байна. Энэ асуудлыг Засгийн газар ээлжит бус өргөтгөсөн хуралдаанаар хэлэлцсэн байна. Улмаар Гамшгаас хамгаалах тухай хуулийн 11.3.3-ыг үндэслэн  коронавируст халдварын цар тахалтай тэмцэх хариу арга хэмжээг эрчимжүүлэх, эрсдлээс урьдчилан сэргийлэх зорилгоор улсын хэмжээнд засаг захиргаа, нутаг дэвсгэрийн нэгж, төрийн болон нутгийн захиргааны байгууллага, иргэн хуулийн этгээдийг гамшгаас хамгаалах Бүх нийтийн бэлэн байдлын зэрэгт шилжүүлсэн хугацааг 14 хоногоор буюу 2020 оны арванхоёр дугаар сарын 1-ний 06:00 цаг хүртэл сунгалаа.