Өнөөдрөөс бүх нийтийн хатуу хөл хориог улам чангатгаж, явган хүний болон автомашины хөдөлгөөнийг хязгаарлаад байгаа юм. Мөн Улаанбаатар хотоос гарах хөдөлгөөнийг хязгаарлаад буй. Түүнчлэн нийтийн тээврийн үйлчилгээг сайжруулж, ариутгал цэвэрлэгээг хийж, шаардлагатай иргэдийг нийтийн тээврээр зорчуулж байгаа юм. Тэгвэл иргэд энэхүү шийдвэрийг эсэргүүцэж, олон хүнийг нийтийн тээвэрт бөөгнөрүүлж байна, эрсдэлтэй хэмээн үзэж байгаа юм. Тиймээс иргэдийг хувийн машинтай нь зорчуулах шаардлага тавьсан.

         Гэвч хотын дарга Д.Сумъяабазар өөрийн твиттер хуудаснаа "Бүх л хөдөлгөөн өөрөө өндөр эрсдэл дагуулдаг, унаа тэрэггүй хөгшчүүл, иргэд эмнэлэг, эмийн сан, хүнсний дэлгүүр орж, хэрэгцээт зүйлээ авах хүмүүсээ бодож нийтийн тээврийг, дэглэм тусгай горимын дагуу явуулж байгаа. Мэргэн цэцэн зарим хүн минь, шаардлагагүй бол гэртээ байж буян болж үз" гэжээ.