Ардчилсан намын Х Их хурал энэ сарын 16,17-ны өдрүүдэд товлогдсон байсан. Уг хурлаар дүрмийн шинэчлэлийн асуудлаа хэлэлцэхээр байсан юм. Гэвч улс орон даяар хатуу хөл хорионы дэглэм тогтоосонтой холбогдуулан АН-ын Их хурал тодорхойгүй хугацаагаар хойшлогджээ. Мөн намын Үндэсний бодлогын хорооны хурал энэ сарын 15-нд товлогдоод байсан. Уг хуралдааныг мөн цуцалсан байна. Учир нь олон нийтийг хамарсан бүх арга хэмжээг хориглож, зайлшгүй шаардлагатай ажиллах албан байгууллагаас бусад байгууллагыг аль болох ажиллахгүй байхыг сануулаад байгаа юм.