УИХ дахь МАН-ын бүлэг ээлжит хурлаа хийсний дараа сэтгүүлчдэд мэдээлэл хийж, асуултад харилсан юм. Энэ үеэр “Эрдэнэт” үйлдвэрийн мөнгөөр хүүхдийнхээ сургалтын төлбөрийг төлүүлсэн гэх Х.Бадамсүрэнд хариуцлага тооцох асуудалд МАН-ын бүлгийн байр суурь ямар байгааг сонирхсон. Бүлгийн дарга Д.Тогтохсүрэн хэлэхдээ "Хариуцлага ижил тэгш байх ёстой. Төсвийн хуулийг зөрчсөн бүгд л ижил, тэгш хариуцлага хүлээх ёстой. Эрдэнэт үйлдвэртэй холбоотой асуудал нийгмийн сүлжээгээр гарсан байна лээ. Манай бүлэг хариуцлага тооцох ёстой гэж үзэж байгаа. Засгийн газар ойрын үед хариуцлага тооцох байх" гэлээ.