УИХ-ын чуулганы хуралдааныг анх удаа эмэгтэй хүн удирдсан түүхэн үйл явдал өнөөдөр болж байна. Тодруулбал, өнөөдрийн чуулганы хуралдааны үеэр УИХ-ын дарга Г.Занданшатар болон УИХ-ын дэд дарга Т.Аюурсайхан нар МАН-ын Удирдах зөвлөлийн хуралтай байсан учраас УИХ-ын дэд дарга С.Одонтуяа чуулганы хуралдааныг даргалан үргэлжлүүлсэн юм. УИХ-ын дэд даргаар өмнө нь УИХ-ын гишүүн асан С.Оюун ажиллаж байсан ч чуулган даргалж байгаагүй аж. Түүхэндээ анх удаа чуулганыг эмэгтэй хүн удирдсан нь УИХ-ын гишүүн С.Одонтуяа болж байгаа юм.