Аймаг, нийслэл, сум, дүүргийн ИТХ-ын сонгуулийн хуулийн дагуу нэр дэвшигчдэд өнөөдөр үнэмлэхээ гардлаа. Нэр дэвшигчид үнэмлэхээ гардснаар сонгуулийн сурталчилгаа албан ёсоор эхэлж байгаа юм. 

Сонгуулийн хорооноос нийслэлийн ИТХ-ын сонгуульд өрсөлдөх нэр дэвшигчдийн үнэмлэхийг 09.30 цагаас эхлэн хуваарийн дагуу гардуулж дууслаа. 
Нийслэлийн ИТХ-ын сонгуульд таван нам, нэг эвсэл, хоёр бие даагч өрсөлдөхөөр болжээ. Тодруулбал, МАХН, МАН, АН, Монголын ногоон нам, Дэлхийн монголчууд нам, Сахигтун! Үндсэн хуулийн 19 эвслээс гадна Ж.Ганбаатар, Д.Мөнх-Эрдэнэ нар бие даан өрсөлдөхөөр болсон байна. 

Харин дүүргүүдийн ИТХ-ын 291 суудлын төлөө 696 нэр дэвшигч өрсөлдөхөөр бүртгүүлжээ. Мөн УИХ-ын сонгуульд 20.5 тэрбум төгрөг төсөвлөгдсөн бол энэ удаагийн сонгууль 16 тэрбум орчим төгрөгийн зардалтай байна. Орон нутгийн сонгууль аравдугаар сарын 15-нд болно.