Монгол Улсын Ерөнхийлөгч асан Ц.Элбэгдоржийн хэвлэлд өгсөн ярилцлагаас онцлох ишлэлийг түүвэрлэн хүргэж байна.

 “Хонгил гэдэг нь хууль хүчний байгууллагын шударга шалгалтаас эвсэл шударга ёс тогтоох үйл явцаас зугтсан үг. Наадуул чинь өөрсдөд нь хэрэгтэй бол ээжийгээ ч хонгил гэж хэлж чадна. Намайг “хонгил” гэж дуудаж байгаа нөхдүүд мөнгө байвал хэнийг ч тэгж хэлнэ. Бид нар ч тийм байсан”

“Хаалттай шүүх хуралдаанаар гаднын гар, хөл болсон хүмүүс Монголын эрх чөлөө, ардчилал, сайн сайхны төлөө зүтгэх гэсэн хүмүүсийг замаасаа зайлуулж байгаа юм”

“Монгол Улс гучин жил ардчилал, эрх чөлөөний замаар явахад долоон жилд нь үр бүтээлтэй, Монголын хөгжилд нөлөөлөх шийдвэрүүд гарч байжээ”  

“Улс төрийн намын тухай хуульд өөрчлөлт хийгээд намын гишүүнчлэлийг нээлттэй, ил тод болгох хэрэгтэй”

“Би Ерөнхийлөгч байхдаа  АСЕМ хийж хоёр тивийн удирдагчдыг авчирч  шуугиулж байлаа.  Өнөөдөр Засгийн газар юу хийх ёстой вэ гэхээр Оюутолгой шиг гурван гэрээ  батлуулж шуугиулж байх ёстой”

“Хоёр жилийн дараа би шоронд явна”

“Бид нэг бол ухраад эсвэл дороо эргэлдээд байна.10 тэрбумын эдийн засаг дээр арван жил эргэлдлээ. Монголыг хорлох үйл ажиллагаа нь Монголыг ямар ч утгагүй орон болгох.

“Одоогийн Монгол Улс ардчилал ч биш, социализм ч биш болчихсон.”

“Шинэ хүн шинэ улс төрийн бодлого гэдэг нь өмнө нь явж байсан муу алдааг давтахгүйгээр түүнээс арай илүү стандарт руу аваачихыг хэлж байгаа юм.”

“Монгол Улс бол чөдөртэй морь шиг. Монголд шийдэгдэх том асуудал болгон хоёр хөршийн ашиг сонирхлыг хөнддөг. Монголыг удирдаж байгаа хүн хоёр хөршийн ашиг сонирхолд автахгүй байх үнэт зүйлтэй удирдагч байх ёстой. Монголыг мэдэж байж Монголыг удирдана”

“Хэрвээ чи төрөөс баяжсан бол тэр нь буруу. Би Төр түмний мөнгөнөөс хулгайлахгүй амьдарч чадна. Би ядуу хүн биш. Сэтгэлээрээ баян хүн. Намайг улс төрд орсон цагаас  шалгаж эхэлсэн одоо ч шалгаж байна”