ТАНИЛЦ: Ерөнхийлөгчийн зөвлөхийн хэн нь хэн бэ

2021-06-28, 1927

Монгол Улсын зургаа дахь Ерөнхийлөгч У.Хүрэлсүх өнгөрсөн баасан гарагт тангараа өргөж, бүрэн эрх нь хэрэгжиж эхэлсэн. Тэгвэл Ерөнхийлөгч зөвлөхүүдээ томилж эхэлсэн байна. Өнгөрсөн баасан гарагт тэрбээр зарлиг гарган Ерөнхийлөгчийн Тамгын газрын дарга Ө.Шижирийг чөлөөлж, Я.Содбаатарыг томилсон.

Мөн Үндэсний аюулгүй байдлын зөвлөлийн нарийн бичгийн дарга А.Гансүхийг чөлөөлж, Ж.Энхбаярыг томилоод байгаа билээ. Тэгвэл өнөөдөр Хууль эрхзүйн бодлогын зөвлөхөөр А.Бямбажаргал, Эдийн засгийн бодлогын зөвлөхөөр Б.Даваадалай, Гадаад бодлогын зөвлөхөөр Э.Одбаяр нарыг томилохоор болсон байна.

Ерөнхийлөгчийн Хууль эрхзүйн бодлогын зөвлөх А.Бямбажаргал гэж хэн бэ

А.Бямбажаргал нь Үндсэн хуулийн эрх зүй, Үндсэн хуулийн процессын эрх зүйн чиглэлээр мэргэжил эзэмшсэн. Өнөөдрийг хүртэл МУИС-ийн Хууль зүйн сургуулийн эрдэмтэн нарийн бичгийн даргаар ажиллаж байсан юм.

Төгссөн сургууль, мэргэжил:

2007 онд МУИС Хууль зүйн сургууль баклавр
2009 онд МУИС Хууль зүйн сургууль магистр
2015 онд БНСУ-ын Күүкмин Их сургуулийн Хууль зүйн сургууль доктор

Ажилласан байдал:

2007 онд МУИС-ийн Хууль зүйн сургуулийн захирлын туслах
2009 онд МУИС-ийн Хууль зүйн сургуулийн Төр, захиргааны эрх зүйн тэнхимийн багш
2015 оноос МУИС-ийн Хууль зүйн сургуулийн нийтийн эрх зүйн тэнхимийн ахлах багш
2017 онд МУИС-ийн Хууль зүйн сургуулийн дэд захирал
2017.10 сараас МУИС-ийн Хууль зүйн сургуулийн Эрдэмтэн нарийн бичгийн дарга

Эдийн засгийн бодлогын зөвлөхөөр Б.Даваадалай

Б.Даваадалай нь 2007 онд Монгол Улсын их сургуулийн Эдийн засгийн сургуулийг Банкны эдийн засгийн мэргэжлээр төгсөж, АНУ-ын Нью Йорк хотын Колумбын их сургуульд Эдийн засгийн ухааны магистрын зэрэг, 2021 онд МУИС-ийг Бизнесийн сургуульд докторантын зэрэг хамгаалжээ.

Ажилласан байдал

2007-2014 онд Монгол банкны Мөнгөний бодлого, судалгааны газарт эдийн засагч,
2013-2014 онд Дэлхийн банкны төв оффисын Зүүн Өмнөд Ази, Номхон далайн бүс нутгийн багт зөвлөх,
2015-2021 онд Дэлхийн банкинд эдийн засагч,
2021 онд Монгол Улсын Засгийн газрын гишүүн, Сангийн сайдын зөвлөхөөр тус тус ажилласан.

Ерөнхийлөгч У.Хүрэлсүхийн Гадаад бодлогын зөвлөх Э.Одбаяр

Эрдэнэцогтын Одбаяр нь 1988-1992 онд Хосе Мартын нэрэмжит 52 дугаар дунд сургууль, 1992-1993 онд ХБНГУ-ын Дрезден хотын 37 дугаар бага сургууль, 1993-1995 онд ХБНГУ-ын Дрезден хотын 36 дугаар дунд сургууль, 1995- 1998 онд ХБНГУ-ын Дрезден хотын Бертольт Брехтийн нэрэмжит гимнази, 1998-1999 онд ХБНГУ-ын Лайпциг хотын Штуудийн коллежийг төгсөж, 1999-2006 онд ХБНГУ-ын Дрезден хотын Техникийн их сургуулийг Америк судлал, философи, нийгэм, эдийн засгийн түүх чиглэлээр Олон улсын харилцааны магистрын зэрэг хамгаалжээ.

2006-2007 онд Гадаад харилцааны яамны Европын газарт мэргэжилтэн,
2007-2009 онд Гадаад харилцааны яамны Европын газарт Атташе,
2007-2009 онд Гадаад харилцааны яамны Европын газарт Монгол-Европын холбооны хамтын ажиллагааны хамтарсан хорооны нарийн бичгийн дарга,
2009-2011 онд Монгол Улсаас ХБНГУ-д суугаа Элчин сайдын яамны гуравдугаар нарийн бичгийн дарга,
2011-2012 онд Монгол Улсаас ХБНГУ-д суугаа Элчин сайдын яамны нэгдүгээр нарийн бичгийн дарга,
2012 онд Гадаад харилцааны яамны Америк-Африкын газарт нэгдүгээр нарийн бичгийн дарга,
2012-2018 онд Гадаад харилцааны яамны Далайд гарцгүй хөгжиж буй орнуудын олон улсын судалгааны төв Захирлын үүрэг гүйцэтгэгч,
2016-2018 онд Гадаад харилцааны яамны Тусгай үүрэг гүйцэтгэгч Элчин сайд, 2018-2021 онд Далайд гарцгүй хөгжиж буй орнуудын олон улсын судалгааны төвд гүйцэтгэх захирлаар тус тус ажиллаж байжээ.

Мөн МУИС-ийн багш Ч.Лодойравсал, МУИС-ийн нийгэм соёлын анторопологийн танхимын эрхлэгч Д.Бум-Очир нар зөвлөхөөр томилогдсон гэх мэдээлэл бий. Түүнчлэн Эрүүл мэндийн сайд асан Т.Мөнхсайханыг Эрүүл мэнд, спорт, нийгмийн бодлогын зөвлөхөөр томилохоор ярьж байгаа аж.

ТАНИЛЦ: Ерөнхийлөгчийн зөвлөхийн хэн нь хэн бэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.