МАН-ын Бага хурал өнөөдөр цахимаар хуралдаж байгаа бөгөөд шинээр сонгогдсон Ерөнхийлөгч У.Хүрэлсүхийн тангараг өргөх өдөртэй давхцаж байгаагаараа онцлог юм.

Бага хурлаар намын даргын үүрэг гүйцэтгэгчийг томилох бөгөөд зургадугаар сарын 26-нд үргэлжлүүлэн бусад асуудлаа хэлэлцэх аж.  МАН-ын Удирдах зөвлөл өчигдөр хуралдаж, намын даргын үүрэг гүйцэтгэгчид Ерөнхий сайд Л.Оюун-Эрдэнийг нэр дэвшүүлэхээр болсон билээ.

Бямба гарагт үргэлжлэх хурлаар Бага хурлын бүрэлдэхүүнд өөрчлөлт оруулах, бусад зохион байгуулалтын ажлыг ярилцах бөгөөд МАН-ын дүрмийн дагуу Их хурлын товыг тогтоох гэнэ.

Шинээр сонсогдсон Ерөнхийлөгч хуулийн дагуу намын харьяалалгүй байх ёстой. Тиймээс намын дарга У.Хүрэлсүх Ерөнхийлөгчийн тангараг өргөхөөсөө өмнө намаасаа түдгэлзэх хуулийн зохицуулалттай бөгөөд өнөөдөр 11:40 цагт Ерөнхийлөгчийн тангаргаа өргөх юм.