УИХ-ын чуулганы нэгдсэн хуралдаанаар ​Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцүүлж буй. Энэ үеэр гишүүд асуулт асууж, үг хэлсэн.

Хуулийн төсөлтэй холбоотой УИХ дахь Ардчилсан намын дарга Д.Ганбат таван хоногийн завсарлага хүслээ. Харин УИХ дэд дарга Т.Аюурсайхан хуулийн үйлчлэл долдугаар сарын 1-ээр дуусгавар болж байгаа учир нэг хоногийн  завсарлага өгсөн юм. 

Ийн дээрх хуулийн төслийг Баасан гарагийн чуулганы нэгдсэн хуралдаанаар хэлэлцүүлэхээр болов. Үргэлжлүүлэн Хөдөлмөрийн тухай хуулийн шинэчилсэн найруулгын төслийг эцэслэн батлах хуулийн төслийг хэлэлцүүлж байна.