УИХ-ын Хууль зүйн байнгын хорооны өнөөдрийн хуралдаанаар Монгол Улс дахь хүний эрх, эрх чөлөөний байдлын талаарх 19, 20 дахь илтгэлийг сонсож байна. Энэ үеэр УИХ-ын гишүүд асуулт асууж хариулт авлаа. 

 

УИХ-ын гишүүн Н.Алтанхуяг: Та хэд чинь олонх болоод ч хууль нь явдаггүй болсон уу. УИХ чинь улстөржсөн байгууллага. Янз бүрийн зүйл болохвий гэж болгоомжилж байсан. МАН доторх МАНАН бүлэглэл чинь тоглож байна шүү дээ. С.Бямбацогт чамайг Ажлын хэсгийг битгий ахал гэхэд ахалсан. Шүүхийн шинэчлэлийг дампууруулж л байна даа. Монголын төр л хохирно. Үндсэн хуулийн Цэцийн үйл ажиллагааг журамлах, цэгцтэй болгож өгөх хэрэгтэй байна. Үзэмжээрээ асуудалд хандаж болохгүй. Энэ Үндсэн хуулийн Цэц чинь асуудлыг авч хэлэлцэхээрээ үзэмжээрээ ханддаг. Одоо бид баталсан хуулиа өөрчлөх гээд сууж байна шүү дээ, ингэж болохгүй. Тэнд чинь улстөржсөн хэдэн хүн очоод суучихсан. Уг нь, тэнд хуулийн өндөр мэдлэгтэй, ёсзүйтэй хүн байж байж байгууллага шиг байгууллага болно" гэж ярилаа. 

 

Тэгвэл УИХ дахь АН-ын бүлгийн дарга Д.Ганбат "Санамсаргүй тохиолдол гэж байхгүй байх аа. Санамсаргүй гэж бодохгүй байна. Өнөөдрийг хүртэл харлаа, сонгууль ч дууслаа. Халдварын нөхцөл байдал чинь багасахгүй байна. Өөрсдөө ч амалсан. Халдвар хяналтгүй боллоо. Үндсэн хуулийн нэмэлт өөрчлөлтөөр шүүхийг хараат болгох алхмыг хийчихлээ. Нэг дэвшил гарлаа гэж харж, найдаж байсан. Үүнийгээ тохиолдлын гэж үзэж байна уу, цаашид явах юм уу яах юм. Монголд амьдрах хэцүү боллоо. Халдвартай тулдаа л Монголдоо байцгааж байх шиг байна. Бүгд зугтаад явахаар боллоо шүү дээ. Монголын хамгийн сүүлийн хүн Буянт-Ухаагийн гэрлийг унтраагаад явахад бэлэн болчихлоо. Хуулиндаа хяналт тавьж чадахгүй байна. УИХ ажлаа хийхгүй байна, хийж чадахгүй байна. Хуулийн хэрэгжилтийг шахаж, шаарддаг зүйл ч байхгүй боллоо.