УИХ-ын чуулганы нэгдсэн хуралдаанаар шинээр сонгогдсон Ерөнхийлөгчийн бүрэн эрхийг хүлээн зөвшөөрөх тухай хууль батлах болон Ерөнхийлөгчийн тангараг өргөх товыг тогтох асуудлыг хэлэлцлээ. 

Шинээр сонгогдсон Ерөнхийлөгчийн бүрэн эрхийг хүлээн зөвшөөрөх тухай хуулийг батлах эсэхээр санал хураалт явууллаа. Чуулганы танхимаас санал хураалтад оролцсон 14 гишүүнээс нь нэг нь татгалзсан бол цахимаар оролцсон 49 гишүүнээс мөн нэг нь татгалзав. Тодруулбал, цахимаар оролцсон Н.Алтанхуяг, танхимаас оролцсон Б.Пүрэвдорж нар эсэргүүцэв.