УИХ-ын чуулганы нэгдсэн хуралдаан эхэллээ. Хуралдаанаар  Монгол Улсын Ерөнхийлөгчийн 2021 оны ээлжит сонгуулийн дүнтэй албан ёсоор танилцаж, шинээр сонгогдсон Ерөнхийлөгчийн бүрэн эрхийг хүлээн зөвшөөрөх тухай тогтоолын төслийг төслийг хэлэлцэж байгаа юм. Тогтоолын төсөлтэй холбоотой гишүүд асуулт асууж, үг хэлж байна.

 

УИХ-ЫН ГИШҮҮН Г.ТЭМҮҮЛЭН: Сонгуулиа амжилттай зохион байгуулсан Сонгуулийн ерөнхий хороонд талархал илэрхийлье. Энэ удаагийн сонгууль хэл ам, хэрүүл тэмцэл багатай боллоо. Гэтдээ цаашид бүх шатны Сонгуулийн тухай хуульд өөрчлөлт оруулах шаардлагатай байна. Алдаа оноо байна. Цаашдаа оршин суугаа харьяалал харгалзахгүй сонгууль өгдөг баймаар байна. Сонгуулийн тогтолцоонд мөн өөрчлөлт оруулах шаардлагатай. Ялангуяа дөрвөн жилд гурван шатны сонгууль болж байна. Үүнээс болоод улс даяараа улс төржиж байна. Ер нь сонгуулийн тоог цөөлж, орон нутагт буюу анхан шатанд сонгууль ялуулах шаардлагагүй гэж харж байна. Энэ талаар хуулийн төсөл боловсруулж байгаа. Цаашлаад сонгуульд оролцож байгаа хүний оролцоог багасгах шаардлага бий.

 

СЕХ-НЫ ДАРГА П.ДЭЛГЭРНАРАН: Цахим сонгуулийн боломжийг сонгогчдод өгөх нь чухал. Ялангуяа гададад байгаа иргэдэд цахим сонгууль чухал байгаа юм. Сонгуулийн тоог цөөлөх асуудалд бид Үндсэн хуулийнхаа зарчмыг барих ёстой. Энэ талаар бид судлана. Одоо бол хууль эрх зүйн хүрээнд тийм боломж байхгүй.