УИХ-ын чуулганы нэгдсэн хуралдаан эхэллээ. Хуралдаанаар Төрийн байгуулалтын байнгын хорооны хурлаар хэлэлцэж дэмжсэн УИХ-ын тогтоолын төслийг хэлэлцэж байна. Тодруулбал, Монгол Улсын Ерөнхийлөгчийн 2021 оны ээлжит сонгуулийн дүнтэй албан ёсоор танилцаж, шинээр сонгогдсон Ерөнхийлөгчийн бүрэн эрхийг хүлээн зөвшөөрөх тухай асуудлыг хэлэлцэж байгаа юм. Тэгвэл үүнтэй холбоотой танилцуулгыг Сонгуулийн ерөнхий хорооны дарга П.Дэлгэрнаран хийж байна. Төрийн байгуулалтын байнгын хорооны хуралдаанаар шинэ Ерөнхийлөгчийн тангараг өргөх ёслолыг энэ сарын 25-нд зохион байгуулах тов гаргасан билээ.