Дэлхий дахинд сүүлийн 24 цагийн хугацаанд шинэ төрлийн коронавирус буюу covid-19 өвчний 94 мянга гаруй шинэ тохиолдол бүртгэгдэж, 4543 хүн уг өвчнөөр нас баржээ. Ингэснээр нийт халдвар авсан хүний тоо 4,982,306 болж, нас барагсдын тоо 324 мянга давсан байна. Харин нийт эдгэрсэн хүний тоо 1958309 болжээ.  Үүнээс цар тахалд хамгийн их нэрвэгдсэн АНУ-д хоногт 15 мянга гаруй шинэ тохиолдол нэмэгдэж, 1538 нас баралт шинээр бүртгэгдэж, тус улсад нийт халдвар авсан хүний тоо 1,5 сая давсан бол нас баралт 93 мянга давсан байна.  Харин ОХУ-д хоногт 9,263 шинэ тохиолдол, 115 нас баралт бүртгэгдэж нийт халдвар авагсдын тоо 299 мянга давжээ. Дэлхий даяар нийт идэвхтэй халдварын тохиолдлын тоо 2,699,489 байгаа бол тэдгээрийн 45 мянга гаруй нь биеийн байдал хүнд байна. Нэг сая хүнд ногдох халдварын тоо 639 байгаа бол сая хүн тутмын 41 нь коронавирусийн улмаас нас барсан байна. Мөн Ислани улсын хувьд нйит тохиолдол нь 278803 болж шинэ тохиолдол нь 615 –аар нэмэгдсэн байн. Нас баралт  өмнөх өдөр 87 байсан бол өнөөдөр  69 болж нийт 18 тохиолдлоор буурсан байна.

Covid-19: Халдвар тархсан улс орнуудын мэдээлэл

Эх сурвалж: Worldometers.info