• Өнөөдөр 2021-04-18

Дэлхийн эдийн засаг зургаан хувь өснө

2021-04-07,   37

Олон Улсын Валютын Сан, Дэлхийн банкны хаврын уулзалт виртуал хэлбэрээр зохион байгуулж байна. Энэ сарын 6-ны өдѳр танилцуулсан Дэлхийн эдийн засгийн тѳлѳв тайланд 2021 оны ѳсѳлтийн тѳсѳѳллийг 0.5 пунктээр нэмэгдүүлж зургаан хувь, 2022 оны тѳсѳѳллийг 0.2 пунткээр нэмэгдүүлж 4.4 хувь болгожээ. Эдийн засгийн бүтэц, бодлогын орон зайнаас хамаараад эдийн засгийн сэргэлт улс орнуудын хувьд харилцан адилгүй байх хандлагатай байна.

Тухайлбал, өмнөд хөршийн эдийн засаг 2021 онд 8.4 хувь, Энэтхэг 12.5 хувь өссөн байна.  Мөн Монголын эдийн засгийг 2021 онд таван хувь өснө гэх төсөөллийг танилцууллаа. Энэ оны хувьд Монголын эдийн засгийн ѳсѳлт 6.8 хувь хүрнэ гэж Дэлхийн банк тооцоолсон бол Монголбанк 6.1 хувь өснө гэж таамаглаж буй. Дэлхийн эдийн засгийн сэргэлт, ялангуяа БНХАУ-ын эдийн засгийн хурдтай өсөлт, түүхий эдийн зах зээлийн таатай байдал дотоодын эдийн засагт эергээр нөлөөлөхөөр байна. 

Улс орнуудын Засгийн газрууд 16 триллион ам.долларын тѳсвийн дэмжлэгийг цар тахлын үед хэрэгжүүлсэн боловч 95 сая хүн нэн ядууралд орсон байна. Цаашид өрийн хэмжээ нь өндөр орнууд орлогын шинэ эх үүсвэрийг бүрдүүлэх, төсвийн дэмжлэгийг илүү зорилтот бүлэгт чиглүүлэхэд анхаарах шаардлагатай гэсэн бодлогын зөвлөмж өгчээ. 

Эх сурвалж: Монгол Банк

 


Дэлхийн эдийн засаг зургаан хувь өснө
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414