Саарал ордонд суугаа гишүүдийн хувьд сайдын суудал гэдэг хүүхдийн тоглоом төдий бололтой. Аль нэг намын гишүүн сайдын зөөлөн сэнтийд залрахдаа намынхаа ажил үүргийг гүйцэтгэдэг багаж төдий болон хувирч байна. Түүнээс биш тус салбарын мэдлэг боловсролтой байх эс нь хамаагүй аж. Энэ бугшсан тогтолцоог халж, салбар яамнаас зайдаа томилдог болбол яасан юм бэ. Тэгэхгүй сайдын зөөлөн сэнтийд ойр ойрхон зай гарч намын гишүүн болгон энэ суудал суугаад өнгөрдөг боллоо.

Олны ам ортой байж мэдэх. Энэ талаар учир мэдэх хүмүүс өөр өөрсдийн байр суурийг үргэлж илэрхийлдэг. Гэвч ямар нэгэн тодорхой үр дүнд хүрдэггүй нь харамсалтай

                     Сайдын суудалд зай гарахаар бараг л гишүүн болгон нэр дэвшиж, зарим нь нэрээ татаад эцэст нэг хүн томилогддог. Томилогдсоны дараа шил шилээ дарсан олон хэл ам гарна. Тухайлбал “Энэ гишүүн чинь хэдэн тэрбум төгрөгөөр сайдын суудалд суусан гэнэ лээ. Ийм үүрэг даалгавар гүйцэтгэх намын даалгавартай гэсэн” гэх мэт хэл ам ар араас шуурдаг. Олны ам ортой байж мэдэх. Энэ талаар учир мэдэх хүмүүс өөр өөрсдийн байр суурийг үргэлж илэрхийлдэг. Гэвч ямар нэгэн тодорхой үр дүнд хүрдэггүй нь харамсалтай. УИХ-ын гишүүн, Хөдөлмөр нийгмийн хамгааллын сайд Т.Аюурсайханд хилийн хориг тавих таслан сэргийлэх арга хэмжээг шүүхээс авсан байна. Үүнтэй холбоотойгоор эрхэм сайдыг суудлаас нь алах тухай шуугиан явж эхэлснээс саарал ордонд би ч сайд болно, тэр ч болно гэдэг бор шувуу нисээд эхэлсэн сурагтай. Сайдын суудал хэл амттай, суудалд суусан эрхэм гишүүн ямар нэг хэрэгт орооцолдон хайран суудлаа бусдад шилжүүлдгийн цаана ямар нэг шалтгаан байна уу. 2022 онд Хөдөлмөр нийгмийн хамгааллын сайдын албанд дөнгөж очсон Д.Сарангэрэл ард түмнийхээ амьдралыг мэдэхгүй байж яаж энэ салбарыг удирдах гэсэн оролдлого хийгээд алдсан. Даан ч сонгогч, дэмжигчдээ ядуу, зүүгээр нь доромжилж, “улнаас доогуур амьдрагчид” хэмээн хэнэгчгүй хэлээд сууж байгаа хүнд бүхэл бүтэн улсынхаа хөдөлмөр, нийгмийг хамгаалах салбараа хариуцуулчихаад ядуу, зүдүүгээрээ дуудуулаад сууж байдаг мөн ч азгүй хүмүүсийн бид.

Үүний үргэлжлэл болох Хөдөлмөр нийгмийн хамгааллын сайд Т.Аюурсайхан мөн л асуудал дагуулан суудлаасаа буухад хүртлээ. Мэдээж Т.Аюурсайханы ажлыг үргэлжлүүлж МАН-аас нэг эрхэм гишүүн морилох биз. Уг нь эрх баригч нам өөрийн боловсролгүй, мэргэжлийн бус гишүүдээ сайдын суудалд тавьж байснаас салбар яамнаас нь томилдог болбол яасан юм бэ. Тэгэхгүй бол сайдын суудал эрх мэдэлтнүүдийн тоглоом боллоо.