Засгийн газраас “Эрдэнэс Монгол” ХХК-ийн ажлын байрны нээлттэй сонгон шалгаруулалтын ялагчдыг зарлаж байна.

     Энэ үеэр Засгийн газрын Хэрэг эрхлэх газрын дарга Д.Амарбаясгалан “”Эрдэнэс Монгол” ХХК-д явагдсан боловсон хүчний нээлттэй сонгон шалгаруулалтын үр дүн гарч, ахлах менежер, менежер, мэргэжилтэнгээр сонгогдох хүмүүс тодроод, эхнээсээ томилогдох нөхцөл бүрдээд ажиллаж байгаа талаар мэдээлэл хийж байна. Монгол Улсын толгой төрийн өмчит компани болох “Эрдэнэс Монгол” ХХК-ийн боловсон хүчнийг нээлттэйгээр зохион байгуулах ажлыг амжилттайгаар зохион байгуулж, өндөрлөлөө. Энэ хүрээнд 2900 гаруй иргэн нээлттэй сонгон шалгаруулалтын үйл ажиллагаанд давхардаагүй тоогоор оролцсон байна. Давхардсан тоогоор буюу нэг хүн хоёр ажлын байранд санал бүртгүүлэх боломж байсан. Энэ хүрээнд давхардсан тоогоор ярих юм бол 3400 орчим хүн анкет өгч бүртгүүлсэн байна. 2900 хүнээс материал ирсэнтэй холбогдуулж, шүүгээд үзэхэд материалаа дутуу ирүүлсэн болон бусад шалтгаанаар тодорхой тооны хүмүүс хасагдсан. Ингээд  шалгалтад орох эрхтэй 2084 хүн тодорч үлдсэн байна. Ингээд 1215 хүн тестийн шалгалтад ороод нэг ажлын байран дээрээ удирдах албан тушаал, ахлах менежерт долоон орчим хүн ярилцлагын шалгалтад орохоор бүртгэгдсэн. Нийт дүнгээр 434 хүнийг ярилцлагад оруулахад, эдгээр хүний хамгийн өндөр оноо авсан хүмүүс өнөөдөр ажлын байрандаа очихоор болж байна. Ажлын байранд сонгон шалгаруулалт зарлахад 2900 иргэн бүртгүүлж байна гэдэг бол нэг талдаа Монгол Улсад мэргэжлийн ур чадвар мэдлэгийг эзэмшсэн, ажлын байрны хэрэгтэй шаардлага өндөр хэмжээнд байгааг, эдгээр боловсон хүчнийг төр бүх түвшиндээ ашиглах нөхцөлийг бүрдүүлж чадвал улс орны хөгжил, дэвшилд үнэтэй хувь нэмрээ оруулах боловсон хүчний баг бүрэлдэхүүн хангалттай хэмжээнд байгаа нь харагдаж байна. Хоёрдугаарт, үүнийг дагаад Төрийн өмчит үйлдвэрийн газрын түвшинд илүү нээлттэй бодлогыг хэрэгжүүлэх зайлшгүй шаардлага байгаа юм байна гэдэг тодорхой харагдаж байна. Энэ ч утгаар энэ долоо хоногийн Засгийн газрын хуралдаанаар Төрийн өмчит бодлого зохицуулалтын газрын харьяа охин компанийн ажлын байрыг нээлттэй сонгон шалгаруулна” гэв.