Улаанбаатар хотын хэмжээнд зөвшөөрөлгүй баригдсан төмөр шон, хаалт, хайсуудыг буулгаж, талбайг чөлөөлөх ажлыг нийслэлийн Газар зохион байгуулалтын албанаас эхлүүллээ. Дөрөвдүгээр сарын 22-ны пүрэв гарагт Сүхбаатар дүүргийн нэгдүгээр хороонд орших “Блю Скай” зочид буудлын гадна, нийтийн эзэмшлийн талбайг хааж, зөвшөөрөлгүй барьсан төмөр шон, хаалтыг чөлөөлсөн байна.

Энэ ажил цааш үргэлжлэх тул эрүүл, аюулгүй, тохь тухтай нийслэл хотыг хамтдаа бүтээхийн төлөө иргэд, аж ахуйн нэгж, байгууллагуудыг дэмжиж ажиллахыг хотын дарга Д.Сумъяабазар уриалжээ.