Оршин суух зөвшөөрлийн сунгалт, хасалт хийлгэх хүсэлтийг шинэ системээр хүлээн авна

2024-11-08, 74

Гадаадын иргэн, харьяатын газрын систем шинэчлэлтийн хүрээнд гадаадын иргэний оршин суух зөвшөөрлийн сунгалт болон хасалт хийлгэх үйлчилгээний хүсэлтийг 2024 оны 11 дүгээр сарын 11-ний өдрөөс байгууллагын immigration.gov.mn сайтаар дамжуулан шинэ системээр хүлээн авахаар боллоо.

Тодруулбал, eimmigration.mn системээр үзүүлж байсан оршин суух зөвшөөрлийн сунгалт, хасалтын үйлчилгээг зогсоож, зөвхөн үйлчилгээний шинэ систем (isf.mn)-ээр хүсэлтийг хүлээн авах юм.

Гадаадын иргэн, түүний уригч иргэн, аж ахуйн нэгж байгууллагууд үйлчилгээ авахдаа танилт нэвтрэлтийн “Дан” системээр нэвтрэх бөгөөд уригч иргэн нэг удаагийн код, банкны эрх, тоон гарын үсгээр, аж ахуйн нэгж, байгууллага нь эрх бүхий байгууллагаас олгосон тоон гарын үсгээр, гадаадын иргэн бол дахин давтагдашгүй 13 орон бүхий бүртгэлийн дугаар ашиглан тус тус нэвтрэх юм.

Ийнхүү шинэ системд шилжсэнээр төрийн мэдээлэл солилцооны “ХУР” системээр мэдээлэл солилцох, ГИХГ-ын бүх төрлийн үйлчилгээг нэг системээс авах, үйлчилгээний шийдвэрлэлтэд хэрэглэгч хяналт тавих, онлайнаар төлбөр хураамж төлөх зэрэг олон давуу талууд бүрдэж байна

Оршин суух зөвшөөрлийн сунгалт, хасалт хийлгэх хүсэлтийг шинэ системээр хүлээн авна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид