Австралийн Мельбурн хотод амьдарч байсан монгол эмэгтэйг эрэн хайж байна. Түүнийг хамгийн сүүлд энэ сарын 6-ны 14:00 цагт Мельбурн хотын Саутбанканд явж байхыг харсан гэрч байгаа аж. Тэрбээр Мельбурн хотын Саутбанк хотод байнга очдог байжээ. Ар гэрийнхэн нь түүнийг ор сураггүй алга болох ямар нэгэн шалтгаан байхгүй тул санаа зовж байгаагаа илэрхийлсэн байдаг. Түүнийг олсон эсэхийг  Монгол Улс дахь Австралийн Элчин сайдын яамны мэргэжилтнээс тодрууллаа. Тэрбээр “Монгол эмэгтэй сураггүй болсон талаар нэгдсэн мэдээлэл ирээгүй байна” гэв.

    Номин нь 152 см өндөртэй, хар үстэй. Мельбурн хотын цагдаагийн газраас “Түүний талаарх мэдээлэлтэй хүмүүс (03) 9624 3999 утсаар холбогдоно уу” гэжээ.