Урлагийн гавьяат зүтгэлтэн Д.Цэрэнсамбуу гавьяаныхаа амралтыг авч,  түүний оронд УДЭТ-ын захирлаар Урлагийн гавьяат зүтгэлтэн Н.Наранбаатар томилогджээ. Тэрбээр 1975 онд Улаанбаатар хотод төрсөн. 2013 онд Монгол Улсын Төрийн шагнал, 2021 онд Монгол улсын Урлагийн гавьяат зүтгэлтэн цол хүртсэн юм. Тэрбээр 2016, 2017, 2018, 2022 онд Үндэсний Их баяр наадмын ерөнхий найруулагчаар ажилласан.

СУИС-ийн найруулагчийн ангийг төгссөн тэрбээр хамгийн анх “Бооцоо” жүжгийг найруулж, үзэгчдийн анхаарлыг татаж байжээ. Үүнээс хойш Н.Наранбаатар "Надаар тоглосон хайр”, “Жаргах гэж дурладаг уу?”, “Чи минийх”, “Шөнө дундын бүжиг”, “Нууц амраг чинь болъё”, “Дурлахыг хориглоно”, “Шөнө амталсан нулимс”, “Нэргүй од”, “Парисын дарь эхийн сүм” мюзикл, “Би ч гэсэн жаргамаар байна" жүжиг, “Тэнгэрийн хүү” түүхэн жүжиг, “Гамлет”, "Анна Каренина" тэргүүтэй уран бүтээлийг найруулсан билээ.

Гавьяа шагнал:

2005 онд Соёлын тэргүүний ажилтан цол

2006 онд Алтангадас одон

2013 онд Монгол Улсын Төрийн шагнал,

2021 онд Монгол улсын Урлагийн гавьяат зүтгэлтэн цол хүртжээ.

2004 онд "Гэгээн Муза I” наадмын Шилдэг залуу уран бүтээлч шагнал

2005 онд Г.Доржсамбуугийн нэрэмжит “Арслан” шагналыг Шилдэг найруулагч шагнал

2010 онд “Парисын дарь эхийн сүм” жүжгээр “Гэгээн Муза VII” наадмын Шилдэг найруулагч шагнал

2012 онд “Тэнгэрийн хүү” жүжгээр “Гэгээн Муза IX ” наадмын Шилдэг найруулагч шагнал

2011 онд БСШУЯ-ны “Мөнгөн мод” наадмын “Тайз дэлгэцийн шилдэг найруулагч” шагнал