Хан-Уул дүүргийн 243 дугаар цэцэрлэгийн багш хүүхэд зодсон бичлэг өнгөрсөн жил олон нийтийн сүлжээгээр цацагдаж байсан. Тус бичлэг дахин олон нийтийн сүлжээнд цацагдсан учир тухайн багш ажлаа үргэлжүүлэн хийж байгаа эсэх талаар тус цэцэрлэгийн Эрхлэгчээс тодрууллаа.

   Тэрбээр “Манай цэцэрлэгт ажиллаж байсан багшийн хүүхэд зодож буй бичлэг өнгөрсөн жил олон нийтийн сүлжээгээр ил болсон. Тухайн багшийг хүүхэд зодсон болохыг мэдсэн даруйдаа Ёс зүйн хариуцлага хүлээлгэж, ажлаас нь чөлөөлсөн. Мөн хуулийн байгууллагынхан тухайн багшийн асуудлыг шийдвэрлэж, Хан-Уул дүүргийн Прокурорын газраас багшлах эрхийг нь хассан. Түүний багшлах эрхийг хэдэн жилээр хассан болохыг нь мэдэхгүй байна” гэлээ.