Соёлын гавьяат зүтгэлтэн, зохиолч, сэтгүүлч, судлаач Тугалхүүгийн Баасансүрэнгийн “Сэтгүүлчид эрин цаг үеийнхээ түүхийг бичдэг, үнэ цэн нь үүгээр тодорхойлогддог” номын нээлт боллоо.

          Соёлын гавьяат зүтгэлтэн, зохиолч, сэтгүүлч, судлаач Тугалхүүгийн Баасансүрэн 1974 онд М.Ломоносовын нэрэмжит Москвагийн их сургуулийг сэтгүүлч мэргэжлээр төгсөж, “Үнэн" сониноос ажлын гараагаа эхэлж байжээ. Тэрбээр “Алтай” түүж, өгүүлэгүүд, “Анхны пионерийн бүрээн дуу”, “Монетон бөгж”, “Дэнгийн цагаан эрвээхэй”, “Тал” зэрэг зуу гаруй өгүүллэг, “Алтай”, “Нүдэн булаг”, “Өвгөн цохио” зэрэг уянгын арав гаруй тууж, “Тэрбумтан”, “Уулс, үүлс, туульс роман" зэрэг бүтээл туурвиж Монголын утга зохиол болон сэтгүүл зүйн салбарт үнэтэй хувь нэмэр оруулсан билээ.

           Тэгвэл “Сэтгүүлчид эрин цаг үеийнхээ түүхийг бичдэг, үнэ цэн нь үүгээр тодорхойлогддог” номд Дэмбээгийн Мягмарын уянгын туужуудын дүр дүрслэл, ур чадвар, ялгарах онцлог, Зандраабайдый зангарагтай том зохиолч, Эрэн сурвалжлах сэтгүүл зүйн эрэлхэг дайчин байлдагчийн бүтээлүүдийн тухай, Юмжаагийн Цэдэнбал номыг уншаад төрсөн зарим бодрол ухаарал, Ж.Нэргүй түүний орчуулгын бүтээлийн онцлог, үнэ цэн зэрэг шүүмж судлал багтжээ.