Баярын ширээгээ чимэх амтат хоолны жорууд

О. Эрдэнэтунгалаг:
Монголчуудын амьдрал- Мэдээ мэдээлэл

2022-12-31, 1897

Шинэ жилийн баярын өдөр он гарахаас өмнө гэр бүлээрээ ширээ тойрон суугаад амттай хоол идэх үедээ тухайн оныхоо амжилт бүтээл, дараа ондоо хэрэгжүүлэх төлөвлөгөөнийхөө талаар ярилцлага билээ. Он солигдох мөчтэй зэрэгцдэг энэ л халуун дулаан уур амьсгалын амтат хоол бидэнд олгодог. ИНгээд баярын ширээг тань чимэх амттай хоолны жоруудыг хүргэж байна.

Сүүн кремтэй торт

Орц:

2,5 стакан гурил
2 ц/х хөөлгөгч
¾ ц/х давс
1,5 стакан сүү
1,5 стакан сахар
4ш өндөг
170г масло
1ц/х ваниль

Хийх арга:

Гурил, хөөлгөгч, давсаа хамт шигшинэ. Өндгийг шар цагаанаар нь хуваана. Өндөгний цагааныг миксердэж хөвсгөр болсны дараа 100 гр элсэн чихэр нэмнээд, дахиад миксердэнэ.Харин дараа нь маслыг миксерээр бяцлаад сайтар хутгана. Үүний дараа шигшсэн гурил сүүнээс бага багаар нэмээд хутгаарай. Дээр нь ваниль, миксердсэн өндөгний цагаанаа нэмээд хутгана. Ийнхүү бэлдцээ хийсний дараа листээ маслоор тослоод цаасаа дэвсэнэ. Ийнхүү зуурмагаа хувааж листэндээ тэнцүү хийгээд, 180С 25-30 минут шарна. Сүүлд нь крем болон жимсээр чимэглээд баярын ширээний амтат бялуу бэлэн болно.

Гахайн шарсан хавирга

Орц:

Давс - 2 ц.х
Нунтаг сармис - 2 ц.х
Паприка - 1 ц.х
Нунтаг сонгино - 1 ц.х
Улаан перц - 1 ц.х /халуун ногоонд дургүй бол алгасах/
Зира - 1 ц.х
Хар перц - 1 ц.х
Гахайн хавирга - 2 кг /дундуур нь хуваалгаж авсан/
Оливын тос BBQ соус

Хийх заавар:

1. Хуурай амтлагчуудаа холино.

2. Хавиргаа сайтар арчиж, хатаагаад, дотор хальсыг хуулж, илүүдэл өөхийг авна.

3. Шарах шүүгээний лист дээр тунгалган цаас ахиухан дэвсэж бэлдэнэ.

4. Дээр нь хавиргуудаа тавиад, оливын тос түрхэн урьдчилж бэлдсэн амтлагчуудаа тараана.

5. Тунгалган цаасаараа сайтар ороогоод, урьдчилан халаасан 180С градустай шарах шүүгээнд хийж 2 цаг болгоно.

Жич: Хэрэв битүү чанагчид хийх бол нэг литр алимны жүүсэнд дээрх амталсан хавиргаа хийн, 25 минут буцалгана.

6. Шарах шүүгээнээсээ гаргаад, торон лист рүү шилжүүлж, BBQ соус хоёр талд нь түрхэнэ.

7. 240С градуст халаасан шарах шүүгээндээ хийгээд, 10 минут шараад бэлэн болно.

Тугалган цаасанд болгосон бүхэл тахианы мах

Орц: Тахианы мах – 1ш

Майонез – 2 -3 х.х

Хатаасан сармис, паприка – тус бүр 1 цайны халбага

Куркума, хмел-сунели – тус бүр тал цайны халбага

Давс, перец (нунтаг)

Хийх арга: 1. Тахианы махаа сайтар угааж хатаана. Гадна доторгүй давс, перецээр амтална.

2. Тахианы махаа түр хойш нь тавиад соусаа бэлдье. Дунд зэргийн аяганд майонез, сармис, паприка, мөн куркума, хмели-сунели хийж хутгана.

3. Бэлэн болсон соусаар тахианы махаа амтална. Хүнсний гялгар уутаар бүрээд хөргөгчинд нэгээс илүү цаг амталж орхино.

4. Тахианы махаа шарах шүүгээний хавтан дээр тавиад тугалган цаасаар сайтар орооно, мах болж байх явцад шүүс нь гадагшаа гоожихгүй байхаар битүүлээрэй. 250 хэмийн шарах шүүгээнд 50 минут махаа болгоно. Цаг болсон ч мах түүхий санагдаад байвал дээд хэсгийн тугалган цаасаа аваад дахин хэдэн минутын турш болгоорой.

Ванилийн пудингтэй жимсний салат

Орц:

300 г лаазалсан эсвэл шинэхэн хан боргоцой
300 г лаазалсан эсвэл шинэхэн тоор
300 г лаазалсан эсвэл шинэхэн мандарин
3 гадил
2 улаан алим
1 стакан хүйтэн сүү
1 стакан зөөхий
1/3 стакан жүржийн цэвэр шүүс
1 уут ванилийн пудинг

Бэлдэх арга: Хан боргоцой, тоор, мандарин, гадил болон алимаа жижиглэн хэрчээд жижгэвтэр саванд хийнэ. Сүү, зөөхий, шүүс болон пудингээ сайтар холино. Соусанд бүхэл зүйл байх ёсгүй. Жимсэн дээрээ хийгээд хөргөгчинд хоёр цаг байлгана.

Шоколадтай брауни

Орц, найрлага:

150 грамм цөцгийн тос
65 грамм буюу 2/3 аяга какао-нунтаг (элсэн чихэргүй)
1 аяга буюу 200 грамм элсэн чихэр
2 өндөг
1 цайны халбага ванилийн охь
100 грамм буюу 4/5 аяга гурил

Хийх зааварчилгаа:

1. Цөцгийн тосоо богино долгионы зууханд халааж 30 секунд орчим хайлуулна. Дараа нь элсэн чихэр, какао, ванилиэ нэмээд сайтар холиорой.

2. Мөн өндөгөө нэг нэгээр нь хийж хутгаад гурил нэмж, зуурмаг бэлдэнэ.

3. Богино долгионы зууханд хийхэд тохиромжтой хэвээ тослоод өндөр тохируулган дээр нь 4-5 минутын турш болгоно.

Баярын ширээгээ чимэх амтат хоолны жорууд

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид